٢٠٢٨ قوتابیێن کولیژ و پەیمانگەها تەکنیکی زاخۆ دەرچوون


٢٠٢٨ قوتابیێن کولیژ و پەیمانگەها تەکنیکی زاخۆ دەرچوون

 

لژێر چاڤدێریا رێزدار (پ. ھ. د. ئاری عادل) سەرۆکا زانکۆیا پۆلیتەکنیکی یا دهۆک، گەرا هەشتێ و نەهێ یا ئاهەنگا دەرچوونا قۆتابیێن زانکۆیا پۆلیتەکنیکی یا دهۆکێ و گەرا (١٧و ١٨)ێ یا دەرچوویێن پەیمانگەها تەکنیکی زاخۆ و گەرا (١ و٢)یا دەرچوونا قوتابیێن کولیژا تەکنیکى زانستێن پەترول و کانزاکان  لژێر دروشمێ (زانست شەنگستێ وەلاتی یە) ل یاریگەها دەلال یا زاخۆ هاتە گێران.

 

ئەڤرو روژا ئێک شەمبى رێکەفتى ٢٠٢١/١١/١٤ و ل دەمژمێر ٤:٠٠ ئێڤارێ و د رێورەسمەکێ ژ هەژى دا و ب ئامادەبوونا سەرپەرشتێ ئیدارەیا زاخۆ و چەندین رێڤەبەر و بەرپرسێن دام و دەزگەهێن حکومى و حزبى ل زاخۆ و هژمارەکا کەسایەتى و ریهـ سپى و ماقیلێن دەڤەرێ و خێزانێن قوتابیى و دەرچوویان، ئاهەنگا گەرا (١٧و ١٨)ێ بۆ ١٩٦٩ دەرچوویێن پەیمانگەها تەکنیکی زاخۆ و ئاهەنگا گەرا (٢،١) بۆ ٥٩ دەرچوویێن کولیژا تەکنیکى زانستێن پەترول و کانزاکان یێن خۆاندنا سپێدە و ئێڤاران هاتە برێڤەبرن کو سەرجەمێ گشتى دبیتە ٢٠٢٨ دەرچویێن کولیژ و پەیمانگەها تەکنیکى زاخۆ یێن سالێن خواندنێ (٢٠١٩ – ٢٠٢٠) و(٢٠٢٠ – ٢٠٢١)

پشتى رێز ل گیانێ شەهیدان هاتیە گرتن و چەند ئایەتێن قورئانا پێروز هاتینە خواندن،

راگرێ کولیژا و پەیمانگەها تەکنیکى زاخۆ (د. عبدالحکیم عثمان محمد) د پەیڤەکێ دا پیروزباهیا قوتابیان کر و سوپاسیا لایەنێن ل یاریگەها دەلال دناف ئاهەنگا دەرچوونێ دا ئامادەبووین کر و داخواز ژ سەرۆکا زانکۆیێ کر ژبو پێشکێشکرنا پەیڤەکێ، و ژلایێ خوڤە سەرۆکا زانكۆیا پۆلیتەکنیکى یا دهۆك (پ. ھ. د. ئاری عادل) د پەیڤەكی دا بخێر هاتنا ئامادەبویان کڕ و ئیدارەیا سەربەخویا زاخوۆ ل خەلکێ دەڤەرێ پیروز کر و هەروەسا پیروزباهیا قوتابیێن دەرچوی کر، رولێ زانکویێ ژلایێ ڤەکۆلینێن زانستى و خورتکرنا پەیوەندیان و بازارێ کارى ژى ڤە چەند رونکرنەک دانە دیارکرن،
ل دویف دا پەیڤا دەرچوویان هاتە خواندن و داخاز ژ حكومەتا هەرێما كوردستانێ‌ هاتە كرن كو دووبارە دەرگەهێ دامەزراندنێ ل بەر دەرچوویان بهێتە ڤەکرن ، و رێڤەبەرێ ئیدارەیا سەربەخویا زاخۆ (گوهدار شێخو)ى ژى دپەیڤەکێ دا پیروزباهیا دەروچویان کر و رولێ زانکۆیا پۆلیتەکنیکى یا دهۆک و پەیمانگەها تەکنیکى زاخو ب گرنگ دا زانین، و ل دووماهیا رێورەسمان ژی سویندا پشکێن پزیشکى و یێن گشتى ژلایێ ( م. نشوان محمد صالح ) هاریکارێ راگرێ کولیژا و پەیمانگەها تەکنیکى زاخۆ ڤە هاتە خواندن و رێورەسمێن داخوازکرنا پێدانا باوەرنامێن بکالوریوس و دبلوما تەکنیکى برگا دووماهیێ‌ بوو كو (د. عبدالحکیم عثمان محمد) راگرێ کولیژا و پەیمانگەها تەکنیکى زاخۆ داخواز ژ (پ. ھ. د. ئاری عادل) سەرۆكا زانكۆیێ‌ كر باوەرنامێن بکالوریوس و دبلوما تەکنیکى پێشكێشی دەرچوویان بكەت و سەرۆكا‌ زانكۆیێ‌ ژی هەر ئێک و لدویف بسپوریا وى باوەرنامە پێ بەخشى.

 

© Copyright Duhok Polytechnic University (DPU) - All Rights Reserved

Website Admin: Sarbast Ali