رويدان

ب هەلکەفتا روژا جیهانیا نەخوشیا شەکرێ ب هەماهەنگی یا هوبا تەندروستی و سلامەتیا پەیمانگەها تەکنیکی کارگێری دهۆک د گەل رێڤەبەریا تەندروستی  و سلامەتی زانکۆیا پۆلیتەکنیکی یا دهۆک، سمینارەک هاتە پێشکێش کرن.

ل پەیمانگەها تەکنیکی کارگێری دهۆک و ب ئامادەبوونا بەرێز «پ.هـ.د هادی خلیل اسماءیل»راگرێ پەیمانگەهێ و ماموستا و فەرمانبەر و قوتابیێن پەیمانگەهێ ل دوور نەخوشیا شەکرێ سمینارەک هاتە پێشکێش کرن.

ئەڤرو ئێک شەمبی 14-11-2021 بەرێز «دکتور احمد افدل‌‌‌‌ احمد» بسپورێ گشتی ل تەوەرێن جودا جودا  نەخوشیا شەکرێ و جور و هۆکارێن د بنە  ئەگەرێ نەخوشیێ و چوانیا خوە پارێزی ژ نەخوشیێ، بو ئامادەبویان شروڤە کر.

ژ بەر گرنگیا و بەربەلاڤ بوونا نەخوشیا شەکرێ ل سەر ئاستێ جیهانێ، هەر ژ سالا 1991  ژ لایێ رێکخراوا ساخلەمیا جیهانی روژا  14 نوڤمبر هاتە دەستنیشانکرن وەک روژا دیابێت(شەکرێ) و هەر سال دهێتە ساخ کرن بو پتر هشیار کرنا جڤاکی ژ ڤێ نەخوشیا دومدرێژ.