ل سەر ئێک زێدەکرنەکا ئاشکەرا ل سەرۆکاتیا زانکۆیێ هاتە برێڤەبرن


2021-11-10 01:50:02

 

ب مەرەما ب کرێدانا کافیتیریێن قوتابیان و جهێن فوتوکوپى یێ ل کولیژ و پەیمانگەهێن تەکنیکى یێن زانکۆیا پۆلیتەکنیکى یا دهۆک ئەڤرو روژا چوار شەمبى رێکەفتى ٢٠٢١/١١/١٠ و ل دەمژمێر ١٠:٠٠ سپێدێ و ب ئامادەبونا سەرۆکێ لیژنا سەر ئێک زێدەکرنێ (د. اری محمد على) راگرێ کولیژا تەکنیکى کارگێرى دهۆک و ئەندامەتیا نوینەرێ داواکارى یا گشتى، و نوینەرێ وەزارەتا خواندنا بلند و ڤەکولینێن زانستى و نوینەرێ رێڤەبەریا تومارکرنا خانوبەرا ل دهۆک، و نوینەرێ گەنجینا دهۆک و نوینەرێ دارایى یێ زانکۆیێ و دگەل نوینەرێن راگرێن کولیژ و پەیمانگەهێن تەکنیکى یێن سەر ب زانکۆیێ ڤە ل سەر ئێک زێدەکرنەکا ئاشکەرا ل سەروکاتیا زانکۆیێ هاتە بریڤەبرن 

 

 ل دەست پێکا سەر ئێک زێدەکرنێ ماموستایێ مافپەروەر (عبدال محمد قادر) رێڤەبەرێ کاروبارێن یاسایێ ل سەروکاتیا زانکۆیێ مەرج و رێنمایێن ب کرێ دانێ بۆ ئەوان کەسان ئەوێن حەزا بکرێ گرتنا کافیتیریێن قوتابیان یان فوتوکوپى یێ هەى دیارکرن و ل دویف دا ب رەنگەکێ دیموکراتیانە و ئاشکەرا رێورەسمێن سەر ئێک زێدەکرنێ هاتنە برێڤەبرن.

 

تێبینى //

 دئەڤێ سەر ئێک زێدەکرنێ دا بریار هاتە دان کو ئەو جهێن نە هاتینە ئێک لا کرن و ب کرێ نە هاتینە گرتن دێ ل رێکەفتى ٢٠٢١/١١/٢٥ و ل دەمژمێر ١٠:٠٠ سپێدێ و ل هەمان جهـ دووبارە سەر ئێک زێدەکرن هێتە کرن.

 

 

© Copyright Duhok Polytechnic University (DPU) - All Rights Reserved

Website Admin: Sarbast Ali