پێنگاڤەکا گرنگ ژ لایێ سەروکا نو یا زانکویێ
رۆژا دوو شەمبی رێکەفتی ٢٠٢١/١٠/٢٥ سەروكا نو یا زانكۆیا پولیتەكنیكی یا دهوك (پ. هـ. د. ئاری عادل عبدالقادر ) دگەل هاریكارێ سەروكا زانكۆیێ بۆ كاروبارێن كارگێری و دارایی (پ. هـ. د. صلاح عبدال عزو ) بو ئێکەمین جار سەرەدانا پەیمانگەها تەکنیکی کارگێری دهۆك كر و ژ لایێ راگرێ پەیمانگەهێ بەرێز ( پ.هـ.د هادی خلیل اسماعیل ) و جێگرێ وی و مامۆستا و فەرمانبەرێن پەیمانگەهێ ڤە هاتە پێشوازی كرن .
د هەمان سەرەدان سەروكا زانكۆیێ كومبونەك دگەل ڕاگر و مامۆستا و فەرمانبەرێن پەیمانگەهێ ئەنجامدا و گەنگەشە لسەر رەوشا مامۆستا و فەرمانبەران و قوتابیان و چاوانیا بڕێڤەچوونا دەوامێ هاتە كرن ، هەر دیسان سەروكا زانكویێ گوهداریا گلەیی و ئاریشەیێن مامۆستا و فەرمانبەران كر، ژبۆ هندێ بشێن پتر خزمەتێ پێشكێشی ستافێ پەیمانگەهێ بكەن،پێخەمەت رەزامەندیا وان و ئەنجام دانا هەرە باشترا ئەركێن خوە.
ل بەردەوامیا سەرەدانێ د. ئاری عادل ژ نێزیک هایداری رەوشا قوتابیان ل هولێن خواندنێ بو و دگەل چەندین قوتابیان دەربارەی وانەیان گفتۆگۆكر .
هەروەسا پشتی ب دوماهیك هاتنا كومبونێ سەروكا زانكۆیێ دگەل ڕاگرێ پەیمانگەهێ گەڕیانەك بۆ چەندین پشك و یەكەیان كر ب مەرەما هایدار بوون ژ رەوشا وان.
سەرەدان و ئەنجامدانا كومبونا سەروکا زانکۆیێ دگەل ڕاگر و ستافێ پەیمانگەهێ، پێنگاڤەکا گرنگە بو پێشڤەبرنا ئاستێ زانستی و هەر وەسا پێشخستنا زانكۆیا پولیتەكنیكی یا دهۆك.