١٠١٥ قوتابیێن کولیژ و پەیمانگەها تەکنیکی ئاکرێ دەرچوون


2021-11-02 07:52:42

١٠١٥ قوتابیێن کولیژ و پەیمانگەها تەکنیکی ئاکرێ دەرچوون 

لژێر چاڤدێریا رێزدار (پ. ھ. د. ئاری عادل) سەرۆکا زانکۆیا پۆلیتەکنیکی یا دهۆک، گەرا هەشتێ و نەهێ یا ئاهەنگا دەرچوونا قۆتابیێن زانکۆیا پۆلیتەکنیکی یا دهۆکێ و گەرا (١٩و ٢٠)ێ یا دەرچوویێن پەیمانگەها تەکنیکی ئاکرێ و گەرا دەرچوونێ یا کولیژا تەکنیکى ئاکرێ  و کولیژا تەکنیکى ئینفورماتیک ئاکرێ لژێر دروشمێ (زانست شەنگستێ وەلاتی یە) ل هولا رەوشەنبیرى ل ئاکرێ هاتە گێران. 

ئەڤرو روژا سێ شەمبى رێکەفتى ٢٠٢١/١١/٢ و ل دەمژمێر ١٠:٣٠ سپێدێ و د رێورەسمەکێ ژ هەژى دا و ب ئامادەبوونا چەندین رێڤەبەر و بەرپرسێن دام و دەزگەهێن حکومى و حزبى ل دەڤەرا ئاکرێ و هژمارەکا کەسایەتى و ریهـ سپى و ماقیلێن دەڤەرێ و خێزانێن قوتابیى و دەرچوویان، ئاهەنگا گەرا (١٩و ٢٠)ێ بۆ ٦٦٢ دەرچوویێن پەیمانگەها تەکنیکی ئاکرێ و گەرا دەرچوونێ (٣،٤) بۆ ١٩٣ دەرچووێن کولیژا تەکنیکى ئاکرێ و گەرا دەرچوونێ  یا (٣،٤)  بۆ ١٦٠ دەرچووێن کولیژا تەکنیکى ئینفورماتیک کو سەرجەمێ گشتى دبیتە ١٠٧٧ دەرچویێن کولیژ و پەیمانگەها تەکنیکى ئاکرێ یێن سالێن خواندنێ (٢٠١٩ – ٢٠٢٠) و(٢٠٢٠ – ٢٠٢١) خواندنێ سپێدە و ئێڤاران هاتە برێڤەبرن. 

پشتى رێز ل گیانێ شەهیدان هاتیە گرتن و چەند ئایەتێن قورئانا پێروز هاتینە خواندن،

راگرێ پەیمانگەها تەکنیکى و کولیژا تەکنیکى ئینفورماتیک ئاکرێ (پ. هـ. د. منهل الهام ) د پەیڤەکێ دا پیروزباهیا قوتابیان کر و سوپاسیا لایەنێن ل هولا ئاهەنگا دەرچوونێ ئامادەبووین کر و داخواز ژ سەرۆکا زانکۆیێ کر ژبو پێشکێشکرنا پەیڤەکێ، و ژلایێ خوڤە سەرۆکا زانكۆیا پۆلیتەکنیکى یا دهۆك (پ. ھ. د. ئاری عادل) د پەیڤەكی دا بخێر هاتنا ئامادەبویان کڕ و پیروزباهیا قوتابیێن دەرچووی کر و رولێ زانکویێ ژلایێ ڤەکۆلینێن زانستى و خورتکرنا پەیوەندیان و بازارێ کارى ژى ڤە  وچەندین رونکرنێن دی دانە دیارکرن،
ل دویف دا پەیڤا دەرچوویان هاتە خواندن و داخاز ژ حكومەتا هەرێما كوردستانێ‌ هاتە كرن كو دووبارە دەرگەهێ دامەزراندنێ ل بەر دەرچوویان بهێتە ڤەکرن ، و ل دووماهیا رێورەسمان ژی سویندا پشکێن پزیشکى و یێن گشتى ژلایێ ( د. دلدار فرزندە ) راگرێ کولیژا تەکنیکى ئاکرێ ڤە هاتە خواندن و رێورەسمێن داخازکرنا پێدانا باوەرنامێن بکالوریوس و دبلوما تەکنیکى برگا دووماهیێ‌ بوو كو (پ. هـ. د. منهل الهام) راگرێ پەیمانگەها تەکنیکى و کولیژا تەکنیکى ئینفورماتیک ئاکرێ و ( د. دلدار فرزندە) راگێ کولیژا تەکنیکی ئاکرێ داخواز ژ (پ. ھ. د. ئاری عادل) سەرۆكا زانكۆیێ‌ كر باوەرنامێن بکالوریوس و دبلوما تەکنیکى پێشكێشی دەرچوویان بكەت و سەرۆكا‌ زانكۆیێ‌ ژی هەر ئێک و لدویف بسپوریا وى باوەرنامە پێ بەخشى.

 

 

© Copyright Duhok Polytechnic University (DPU) - All Rights Reserved

Website Admin: Sarbast Ali