نووچە

ئاهەنگا گەرا (١٥- ١٦)ێ یا دەرچوویێن پەیمانگەها تەکنیکی یا ئامێدیێ هاتە گێران 

لژێر چاڤدێریا رێزدار (پ. ھ. د. ئاری عادل) سەرۆکا زانکۆیا پۆلیتەکنیکی یا دهۆک، گەرا هەشتێ و نەهێ یا ئاهەنگا دەرچوونا قۆتابیێن زانکۆیا پۆلیتەکنیکی یا دهۆکێ و گەرا (١٥و ١٦)ێ یا دەرچوویێن پەیمانگەها تەکنیکی یا ئامێدیێ لژێر دروشمێ (زانست شەنگستێ وەلاتی یە) ل هولا شەهید بەهجت نایف ل ئامێدیێ هاتە گێران. 

ئەڤرو روژا دوو شەمبى رێکەفتى ٢٠٢١/١١/١ و ل دەمژمێر ١١:٣٠ سپێدێ و د رێورەسمەکێ ژ هەژى دا و ب ئامادەبوونا چەندین رێڤەبەر و بەرپرسێن دام و دەزگەهێن حکومى و حزبى ل دەڤەرا ئامێدیێ و هژمارەکا کەسایەتى و ریهـ سپى و ماقیلێن دەڤەرێ و خێزانێن قوتابیى و دەرچوویان، ئاهەنگا گەرا ١٥ و ١٦ یا دەرچونێ بو ٤٥٠ دەرچویێن پەیمانگەها تەکنیکى یا ئامێدیێ یێن سالێن خواندنێ (٢٠١٩ – ٢٠٢٠) و(٢٠٢٠ – ٢٠٢١) هاتە برێڤەبرن 

پشتى رێز ل گیانێ شەهیدان هاتیە گرتن و چەند ئایەتێن قورئانا پێروز هاتینە خواندن،

راگرێ پەیمانگەها تەکنیکى یا ئامێدیێ (پ. هـ. د. هکار زکی) د پەیڤەکێ دا پیروزباهیا سەرۆکا نوى یا زانکۆیێ کڕ و سوپاسیا هەمى لایەنکى کر ئەوێن ل هولا ئاهەنگا دەرچوونێ ئامادەبووین و داخواز ژ سەرۆکا زانکۆیێ کر ژبو پێشکێشکرنا پەیڤەکێ، و ژلایێ خوڤە سەرۆکا زانكۆیا پۆلیتەکنیکى یا دهۆك (پ. ھ. د. ئاری عادل) د پەیڤەكی دا بخێر هاتنا ئامادەبویان کڕ و پیروزباهیا قوتابیێن دەرچوی کر، و پێناسەکا کورت ل سەر کارو چالاکیێن زانکۆیێ دا دیارکرن، و ژلایێ ڤەکۆلینێن زانستى و خورتکرنا پەیوەندیان و بازارێ کارى ژى ڤە چەند رونکرنەک دانە دیارکرن،
ل دویف دا پەیڤا دەرچوویان هاتە خواندن و داخاز ژ حكومەتا هەرێما كوردستانێ‌ هاتە كرن كو پتر دەرفەتێن كاری بۆ دەرچوویان بهێنە دیتن، و ل دووماهیا رێورەسمان ژی سویندا پشکێن پزیشکى و یێن گشتى هاتە خواندن و رێورەسمێن داخازکرنا پێدانا باوەرنامێن دبلوما تەکنیکى برگا دووماهیێ‌ بوو كو (پ. ه. د. هکار زکى) راگرێ پەیمانگەها تەکنیکى  یا ئامێدێ داخواز ژ (پ. ھ. د. ئاری عادل) سەرۆكا زانكۆیێ‌ كر باوەرنامێن دبلوما تەکنیکى پێشكێشی دەرچوویان بكەت و سەرۆكا‌ زانكۆیێ‌ ژی هەر ئێک و لدویف بسپوریا وى باوەرنامە پێ بەخشى.