سەرۆکا زانکۆیا پۆلیتەکنیکی یا دھۆک دگەل نینەراتیا ئێکەتیا ئوروپا و رێکخراوەکا نێڤدەولەتی کومبوو


2021-10-27 01:21:37

ژ چارچوڤێ خورتکرنا پەیوەندیێن  زانکۆیا پۆلیتەکنیکی یا دهۆک دگەل رێکخراو وئاژانسێن نێڤدەولەتی، ئەڤرو رێکەفتی ٢٧-١۱ کومبونەک د ناڤبەرا سەرۆکا زانکۆیا پۆلیتەکنیکی یا دهۆک (پ. هـ. د. ئاری عادل) و خاتون (باربرا ئيغر) سەرۆکا بەشێ هەڤکاری د نینەراتیا ئێکەتیا ئوروپا ل عراقێ و رێکخراوا یونیسکو و شاندێ دگەل دا هاتە ئەنجامدان. دئەڤێ کومبونێ دا چەندین خالێن گرنگ هاتنە گەنگەشەکرن دەربارەی رۆلێ زانکویێ د بوارێ پەیوەندیان دا دگەل پروگرامێن ئێکەتیا ئوروپی و تایبەت بەرنامێ  ((Erasmus+  هەروەسا گفتوگۆ ل سەر پروژە و پروگرامێن جودا هاتەکرن کو ژلایێ زانکۆیێ ڤە هاتینە ئەنجام دان و هەروەسا بۆ ئایندەی بهێنە ئەنجام دان ب هەڤکاریا رێکخراوێن نێڤدەولەتی. بۆ زانین زانکۆیا پۆلیتەکنیکی یا دهۆک چەندین پروژە ب پشتەڤانیا ئێکەتیا ئەوروپی و تایبەت بەرنامێ  ((Erasmus+ ئەنجام داینە، و ژبەر ڤێ چەندێ رۆلێ زانکۆیا پۆلیتەکنیکی ژلایێ شاندێ ئێکەتیا ئوروپا و رێکخراوا یونیسکو ڤە ل جێبەجێکرنا پروگرامێن جیاواز ل سەر ئاستێ هەرێما کوردستانێ و عراقێ بلند هاتە نرخاندن و هەروەسا ئاماژە بوێ چەندێ ژی هاتە کڕن کو زانکۆیا پۆلیتەکنیکی ئێکە ژ زانکوێن پێشرەو هەی د کارکرنێدا دگەل پروگرامێن نێڤدەولەتی یێن جودا جودا.

© Copyright Duhok Polytechnic University (DPU) - All Rights Reserved

Website Admin: Sarbast Ali