ئاماده‌كارى بو ئاهه‌نگا ده‌رچوونێ یا هه‌ردوو سالێن بورى دهێنه‌كرن
2021-10-25 09:42:52
جڤاتا په‌یمانگه‌ها ته‌كنیكى یا ئامێدیێ ب سه‌رپه‌رشتیا د.هكار زكى راگرێ په‌یمانگه‌هێ و ئاماده‌بوونا هاریكارێ راگرى و هه‌موو ئه‌ندامێن جڤاتێ و به‌رپرسێن كارگێرى و تومارێ و راگه‌هاندنێ ل په‌یمانگه‌هێ كومبوو، د كومبوونێ دا به‌حسا گه‌له‌ك ته‌وه‌ران هاته كرن.
ته‌وه‌رێ سه‌ره‌كى و گرنگ هاتیه به‌حسكرن ئاهه‌نگا ده‌رچوونا قوتابیان بوو یێن هه‌ردوو سالێن بورى (2019-2020، 2020-2021) كو بریاره د حه‌فتیا بهێت دا بهێته كرن و ده‌ست ب ئاماده‌كاریان هاتیه كرن و لژنه‌یه‌ك بو برێڤه‌برنا كاروبارێن ئاهه‌نگێ هاته پێك ئینان، هه‌روه‌سا به‌حسا هند ته‌وه‌رێن دیژى هاته كرن وه‌ك ده‌واما ماموستا و فه‌رمانبه‌ران ب شێوه‌یه‌كێ رێك و پێك و پێگیریكرن ب رێنمایێن ته‌ندروستى.
راگه‌هاندنا په‌یمانگه‌هێ