ب سەرپەرشتیا وەزیرێ خواندنا بلند جڤاتا وەزارەتێ ل زانکۆیا چەرمو ل چەمچەماڵ کومبوون


2021-10-14 10:09:19

ب سەرپەرشتیا وەزیرێ خواندنا بلند جڤاتا وەزارەتێ ل زانکۆیا چەرمو ل چەمچەماڵ کومبوون

پشتی (٥٢٥٣٣) دەرچویێن پۆلا دوازدێ داخازیێن خو پێشکێشی زانکۆ و پەیمانگەھان کرین ب مەرەما وەرگرتنێ،

جڤاتا وەزارەتا خواندنا بلند و ڤەکولینێن زانستى پلانا وەرگرتنا ل زانکۆ و پەیمانگەهێن حکومی ل هەرێمى کوردستانێ پەسەندکر، و ڕاگەهاند پشتی دوماهیک هاتنا پرۆسێسا پێشکێشکردنێ ب ڕێکا زانکۆلاین، (٥٢٥٣٣) قوتابیێن دەرچویێن پۆلا دوازدێ ئامادەیی داخازیێن خۆ یێن وەرگرتنێ یێن پێشکێشی زانکۆیێن کوردستان کرین.

ئەڤرۆ روژا پێنج شەمبی ڕێکەفتی (2021/10/14) ب سەرپەرشتیا د. ئارام محەمەد قادر وەزیرێ خواندنا بلند و ڤەکولینێن زانستى و ب ئامادەبونا پ. ھ. د. ئاری عادل سەرۆکا زانکۆیا پۆلیتەکنیکی یا دھۆک و سەرجەم سەرۆک زانکۆیێن حکومی و وبریکارێ وەزارەتێ و ڕاوێژکار و رێڤەبەرێن گشتى یێن تایبەتمەند، کۆمبوونا جڤاتا وەزارەتێ ل سەرۆکاتیا زانکۆیا چەرمو ل چەمچەماڵ ب رێڤەچوو.

ل دەستپێکا کۆمبوونێ د. ئارام محەمەد قادر وەزیرێ خوێندنا بلند و ڤەکولینێن زانستى د پەیڤەکێ دا خۆشحاڵیا خۆ نیشاندا ب کۆمبوونا جڤاتا وەزارەتێ ل زانکۆیا چەرمو، و بۆ ڤێ چەندێ گوتێ: ئەرکێ مەیە ب پێشکێشکردنا باشترین کواڵتى یا خواندنێ و خزمەتێ ب پایتەختێ شەهیدان و خەڵکى ڤێ دەڤەرێ بکەین، چونکی ب رێبەرایەتیا خەڵکێ تێکۆشەرو زەحمەت دیتی میللەتێ مە گەھشتیە ڤێرە و سوپاسیا وان دەکەین بۆ هەول بزاڤ و ماندوبونا وان ب مەبەستا پێشخستنا زانکۆیا خۆ، ھەروەسا گوت ژی: باشترین پاداشت بۆ ماندیبوون و قوربانیا خەڵکی ڤێ دەڤەرێ پێشکێشکردنا باشترین کواڵتیا خواندنێ و فێرکرنێ یە بو گەنجێن وێ. ژلایەکێ دیڤە وەزیرێ خواندنا بلند گەنگەشە دەربارەیى سیاسەت و کارنامەییا وەزارەتێ و دامه‌زراوه‌كانێن خواندنا بلند ب شێوەیەکێ گشتى کر ئەوێن ھاتینە پێشکێشکرن و دوپاتکر: و ئارمانجا ژ ئەڤێ کۆمبوونێ دانوستاندنە دەربارەیى ڤەگەراندنا دەسەڵاتێن خەرجیێن ل سەر داهاتی و پەسەندکرنا پلانا وەرگرتنا قوتابیان ل زانکۆیێ بۆ ساڵى نوی یا خواندنێ، ب شێوەیەکێ کو پلان ئێک بیت بۆ مفا وەرگرتنا دەرچویان و پێدڤیێن بازاڕى کاری، گوت ژی و بۆ ئەڤێ چدندێ ژی دوپات دکەین: وەزارەتا خواندنا بلند بەڕ چاڤکرنا کواڵتیا خواندنێ و چارچووڤەیێ جێبەجێکرنا پلانەکا مووکوم، و کار بۆ وەرگرتنا قوتابیان ل زانکۆ و پەیمانگەھان دکەین سەرەڕاى ئەڤێ ژمارا زۆر یا دەرچویێن کو داخازا وەرگرتنێ کری ل زانکۆ و پەیمانگەهێن حکومی یێن هەرێما کوردستانێ پێشکێشکری کو ژمارا وان د بیتە (٥٢٥٣٣) دەرچوو.

دبەشەکێ دی یێ کۆمبوونێ دا پلانا هەر ئێک ژ زانکۆیێن هەرێمێ یێن سەر ب وەزارەتێ ڤە دانوستاندن ل سەر هاتە کرن پاشی پلانا وان هاتنە پەسەندکرن، ودبەشەکێ دی دا پرسا هژمارکردنا دەمێ مانا قوتابیێن خواندنا بلند ل دەرڤەی وەلاتێ کو ب شێوەى ئۆنڵاین بەردەوام بوون، پشتی خواندنا ڕاپۆرتا لێژنەیا تایبەتمەند بو ئەڤێ بابەتی و دانوستاندن ھاتیەکرن پێشنیازێن لێژنێ هاتنە پەسەندکرن.

هەروەسا چەند بابەت و پرسێن دى یێن پێدڤی بوون بو پێشخستنا ئاستێ زانستى و ئەکادیمی یێن زانکۆیێن کوردستانێ دانوستاندن ل سەر هاتە کرن و ھاتنە پەسەندکرن.

جهێ ئاماژێ یە بۆ ئەنجامدانا ئەڤێ کۆمبوونێ، د. سەڵاح رەزا سەرۆکێ زانکۆیا چەرمو د پەیڤەکێ دا بەحسێ پێکهاتەیێ زانکۆیا چەرمو وەک دامەزراوەیەکا زانستى یا سەر ب وەزارەتا خواندنا بلند و ڤەکولینێن زانستى پێشکێشکر، کو کارێن زانکۆیێ ڕەنگ ڤەدانەکا باش یا ستراتیژ و ل سە ڕاسپاردیێن وەزارەتێ، هەروەها کورتیەک دەربارەیى لایەنێن جیاواز و جێبەجێکرنا سیستەمێ بۆلۆنیا پرۆسیس دیارکر، بۆ ئەڤێ چەندێ ژی بەحسێ ئه‌زمونا زانكۆیا خو كر دجێبەجێکردنا پرۆسێس و چەوانیا ڕووب رووبونا ئارشەیان، هەروەسا سوپاسیا وه‌زارەتا خواندنا بلند و ڤەکولینێن زانستی كر بۆ پاڵپشتی و پشتەڤانیا وان یا به‌رده‌وام ل زانكۆیا وان.

هەر دئەڤێ سەرەدانا شاندێ وەزارەتا خواندنا بلند و ڤەکولینێن زانستى بۆ قەزا چەمچەماڵ، وەزیرێ خواندنا بلند و ڤەکولینێن زانستى و ستافێ وەزارەتێ گەریانەک دناف (کەمپەسى) نوی یا زانکۆیا چەرمو دا کر و ژ نزیک ل کارێ وان پرسین و دیارکر پێدڤی ب ئاڤاهیەکێ نوی نە بو کولیژێ وپێنگاڤێن جێبەجێکرنا پرۆژەی و دیڤچوون بهێتەکرن، دویڤدا سەرەدانا سەنتەرێ چەرمو بۆ ڤەکولین و ڕاهێنانێ کر ژ نزیک سەحا کاروباریێن وان کر و کەیڤ خوشبوون ب ئەوی کار و پروژێن دسەنتەری دا ھاتینە کرن.

© Copyright Duhok Polytechnic University (DPU) - All Rights Reserved

Website Admin: Sarbast Ali