ماموستایەکا زانكۆیا پۆلیتەکنیکى یا دهۆک بو ئەنداما جڤاتا نوینه‌رێن عێراقێ


2021-10-14 01:11:23

 

ماموستایا زانکۆیا پۆلیتەکنیکى یا دهۆک – پەیمانگەها تەکنیکى دهۆک شیا د هەلبژارتنێن پێشوەخت یێن جڤاتا نوینەرێن عیراقێ دا دەنگێن پێدڤى بدەست خوڤە بینیت و ببیتە ئەنداما جڤاتا نوینەرێن عیراقێ

ل دویف راگەهاندێن دەستپێکى یێن ئەنجامێن هەلبژارتنێن پێشوەختێن جڤاتا نوینەرێن عیراقێ ئەوێن ل روژا ١٠/١٠ ئەف سالە هاتینە بڕێڤەبرن، ئەڤین سلیم مزیرى پروفیسورا هاریکار ل زانکۆیا پۆلیتەکنیکى یا دهۆک – پەیمانگەها تەکنیکى دهۆک شیا دەنگێن پێدڤى بدەست خوڤە بینیت و کورسیەکا پەرلەمانێ عیراقێ بو لیستا پارتى دیموکراتى کوردستان مسوگەر بکەت، دەمێ ب ژمارەیا ٢٥ ل بازنەیێ ئێک خو کاندید کرى. 

ئەڤین سلیم نورى پروفیسورا هاریکار د بیاڤێ کارگێرى کار دا و ب بسپوریا کارگێرى بازارگەرى،  دبیتە ئێک ژ ماموستایێن چالاک و بەهرەمەند یێن زانکویێ و دچەندین بوارێن جودا جودا یێن کارگێریێ دا کارکریە وەک سەروکا بەشکا کارگێرى کار بو ل پەیمانگەها تەکنیکى کارگیرى، و هەردیسان هاریکارا راگرێ کولیژا تەکنیکى کارگێرى، هاریکارا راگرێ پەیمانگەها تەکنیکی دهوک، زێدەبارى وێ چەندى کو گەلەک جارا پشکدارا د بەرنامەیێن دەزگەهێن راگەهاندنێ دا کریە وەک شروڤەکار و بسپورا کارگێرى بازارگەرى، و شیایە ب رێکا تایبەتمەندیا خو خزمەتا جڤاکى بکەت، و لسەر هەلبژارتنا خانما نافهاتى بو جڤاتا نوینەرێن عیراقێ و دپەیوەندیەکا تلفونى دا بو مالپەرێ فەرمى یێ زانکۆیا پۆلیتەکنیکى یا دهۆک ، ئەڤین سەلیم گوت: زانکۆیا پۆلیتەکنیکى یا دهۆک رولەکێ مەزن و بەرچاف یێ دشیانێن من یێن زانستى و ئەکادیمى دا هەى و شانازیێ ب ئەوان دەمان دبەم یێن من خزمەتا زانکۆیێ و جڤاکى کرى و هەردەم دێ بزاڤێ کەم داخوازا بدەستڤەئینانا مافێن گەلێ کوردستانێ بکەم و سوپاسیا زانکۆیێ دکەم بو خەمخورى و پشتەڤانیا وان یا بەردەوام هەر ژ دەستپێکا هەلبژارتنا من بۆ جڤاتا نورێنەرێن عیراقێ.

 

سەروکاتیا زانکۆیا پۆلیتەکنیکى یا دهۆک بیروزباهیێن سەرکەفتنێ ل ماموستایا زانکۆیێ ئەڤین سەلیم دکەت و شانازیێ ب وێ چەندێ دکەین کو ماموستایێن زانکۆیا پۆلیتەکنیکى یا دهۆک دشێن دبوارێن جودا جودا دا سەرکەفتن و پێشڤەچونێن مەزن و گرنک ب دەستخوڤە بینن و ببنە نوینەرێن جڤاکێ ل هەرێما کوردستانێ و عیراقێ.

© Copyright Duhok Polytechnic University (DPU) - All Rights Reserved

Website Admin: Sarbast Ali