سەرۆکا زانکۆیێ کومبونەکا گرنک دگەل سەرۆکێن پشکێن زانستى ئەنجامدا


2021-10-07 11:02:36

ب مەرەما لێک تێگەهشتن و ئەگەهدار بونا رەوشا خواندنێ ل پشکێن زانستى یێن کولیژ و پەیمانگەهێن تەکنیکى یێن زانکویێ، ئەڤرۆ و روژا پێنچ شەمبى رێکەفتى ٢٠٢١/١٠/٧ و ل دەمژمێر ١٠:٠٠ سپێدێ و ل هۆلا سمیناران، سه‌رۆكا‌ زانكۆیا پۆلیتەکنیکى یا دهۆک (پ. هـ. د. ئارى عادل) کۆمبونەکا گرنگ دگه‌ل سه‌رۆكێن پشكێن زانستی یێن خواندنێ و ٨٠ مامۆستایێن زانكۆیێ‌ ئەنجامدا و چەندین تەوەرێن گرنگ هاتنە گەنگەشەکرن،

ل ده‌ستپێكێ‌ کومبونێ سەرۆکا زانکۆیێ پلان و ئارمانجێن خو بو ئامادەبویان دیارکرن و هەروەسا تەکەزى ل سەر پێشخستنا زانكۆیێ‌ کر ژ هەمى لایەکى ڤە، مینا  كوالیتى یا خاندنێ‌، ڤه‌كۆلینێن زانستی، و خزمه‌تكرنا جڤاكی، و چالاکیێن زانستى و گرنگیدان ب مالپەرێ فەرمى یێ زانکۆیێ ب مەرەما بلندکرن و پێشڤەچوونا زانکۆیێ د رێزبەندى یا نشتیمانى یا زانکۆیان دا،

ژلایەکێ دیڤە و هەر د ئەڤێ کومبونێ دا ده‌رگه‌هێ‌ دانوستاندنێ یێ ڤەکرى بو دناڤبەرا سەرۆکا زانکویێ و سەروکێن پشکێن زانستى یێن خواندنێ و ماموستایێن ئامادەبووی ژبو دیارکرنا ئاریشە و گرفتێن پشکێن زانستى، و چەندین پرسیار و پێشنیاز ژلایێ ئامادەبویان ڤە هاتنە ئاراستەکرن،

ل دووماهیێ سەرۆکا زانکۆیێ (پ. هـ. د. ئارى عادل)، هەر دوو هاریکارێن سەرۆکا زانکۆیێ بۆ کاروبارێن کارگێرى و دارایى و کاروبارێن قوتابیان، (پ. هـ. د. صلاح عبدال) و ( پ. هـ. د. رجب ابراهیم) راسپاردن بۆ چارەسەرکرنا ئاریشە و گرفتێن پشکێن زانستى یێن کولیژ و پەیمانگەهێن تەکنیکى یێن زانکۆیا پۆلیتەکنیکى یا دهۆک.

© Copyright Duhok Polytechnic University (DPU) - All Rights Reserved

Website Admin: Sarbast Ali