ستافێ زانکۆیێ ب سەروکاتیا سەرۆکا زانکویێ پشکدارى د کومبونەکا UNESCO دا کڕ


2021-09-30 07:12:26

ب مەرەما دانانا سیستەمەکێ کشتوکالى یێ هەفچەرخ و ل دویف پێدڤیا بازارێ کارى ل هەرێما کوردستانێ وعیراقێ، سەرۆکا زانکۆیێ و پێنچ ماموستایێن زانکۆیا پۆلیتەکنیکى یا دهۆک پشکدارى دکومبونا رێکا ئونلاین یا پروژێUNESCO cs TVET2 کڕ، ئەوا ل رێکەفتى ٢٠٢١/٩/٣٠ێ ب پشکداریا پتر ژ ٣٦ ماموستایێن حەفت زانکویێن تەکنیکى یێن هەرێما کوردستانێ عیراقێ هاتیە برێڤەبرن

ستافێ زانکۆیێ ب سەرۆکاتیا پروفیسورا هاریکار دکتورا ئاری عادل سەرۆکا زانکۆیا پۆلیتەکنیکى یا دهۆک، و ب ئەندامەتیا دکتور شێروان مستەفا سەروکێ پشکا تەکنولوجیا تاقیگەهێن نوژدارى ل پەیمانگەها تەکنیکى یا دهۆک، و دکتور مێهڤان ئیبراهیم سەروکێ پشکا رەزگەرى ل کولیژا تەکنیکى ئاکرێ، و هەر سێ  ماموستایێن زانکویێ (هانى احمد، عبدالله مزاحم، پشتیوان جمال) ب رێکا ئونلاین دگەل (کاسرین ئایساک) شارەزایا ئوروپى و سیستەمێ بولونیا ژ زانکۆیا بیزا یا ئیتالى کومبون

دئەڤێ کومبونێ دا گەنگەشە ل سەر چەندین تەوەران هاتە بتایبەت ئەوان پێنگاڤێن هەر ژ دەستپێکا ئەڤى پروژەى هاتینە هاڤێتن و ئایا هەتا نوکە چ ئەنجام بدەستڤە هاتینە و هەورەسا دئایندەى دا چ بهێتە کرن دێ یا باش بیت بو سەرکەفتن و پێشڤەچوونا پروژەیێ هەفپشک یێ زانکویێن تەکنیکى ئەوێ ب سەرپەرشتى و دیفچوونا رێکخراوا UNESCO  پروژێTVET2  دهێتە برێڤەبرن.

 

بوو زانین:- د سالا ٢٠١٨ دا پروژێ ئێکێ یێ UNESCO cs TVET پێخەمەت پێگەهاندن و ئاڤاکرنا شیانێن ماموستا و راهێنەرێن تەکنیکى ب کومەکا کارو چالاکیان و ب هەفکاریا زانکۆیا پۆلیتەکنیکى یا دهۆک هاتبوو ئەنجامدان، مینا هەر دوو خولێن دووێ و سێ یێ یا TVET ئانکو REFORMING TECHNICAL AND VOCATIONAL EDUCATION AND TRAINING IN IRAQ ب هەفپشکی  ژلایێ ئەنجومەنێ رەوشەنبیرى یێ بریتانى و رێکخراوا یونسکو و ب سپونسەریا ئێکەتیا ئوروپی دهێتە رێکخستن و ژلایێ ماموستایێن زانکۆیا پۆلیتەکنیکىى یا دهۆک ڤە دهاتە برێڤەبرن. و پروژێ دووێ  یێ UNESCO cs TVET2 ل ٢٠٢١/١٢/١٦ دەستپێکریە و دێ هەتا دووماهیکا سالا ٢٠٢٣ یێ بەردەوام بیت.

© Copyright Duhok Polytechnic University (DPU) - All Rights Reserved

Website Admin: Sarbast Ali