ستراتیژیەت و پلان، دێ بۆ پێشڤەبرنا خواندنا پیشەیی و تەکنیکى ل کوردستان ئێتە دانان


2021-09-21 08:36:43

ستراتیژیەت و پلان، دێ بۆ پێشڤەبرنا خواندنا پیشەیی و تەکنیکى ل کوردستان ئێتە دانان

بمەرەما دانانا ستراتیژیەت و پلانا خواندنا پێشەیى و تەکنیکى ل هەرێما کوردستانێ، و ب سەرپەرشتا وەزیرێ خواندنا بلند و ڤەکولینێن زانستى، کوومبونا لێژنەیا بلند یا دانانا  ستراتیژیەتێ و پلانا خواندنا پێشەیى و تەکنیکى ل وەزارەتا خواندنا بلند و ڤەکولینێن زانستى هاتە ئەنجام دان، د ئەڤێ کوومبونێدا ڕاسپاردە و پێشنیاز بۆ پێشڤەبرنا و بەرفرەهکرنا مەودایێ خواندنا پێشەیى و تەکنیکى ھاتنە گەنگەشەکرن.

ئەڤرو روژا سێ شەمبی ڕێکەفتی (2021/9/21)  ب سەرپەرشتا (د. ئارام محمد قادر) وەزیرێ خوێندنا بلند و ڤەکولینێن زانستى ب ئامادەبوونا (پ. ھ. د. ئاری عادل) سەرۆکا زانکۆیا پۆلیتەکنیکى یا دهۆک و سەرۆکێ زانکۆیا پۆلیتەکنیکى یا هەولێر و شیرەتکار و رێڤەبەرێن گشتى یێن لێژنا تایبەتمەند کۆمبوونەک ل دیوانا وەزارەتێ ھاتە برێڤەبرن، دئەڤێ کۆمبوونێ دا ستراتیژیەتا گەشەپێدانێ و بەرەڤ پێشڤەبرنا خواندنا پێشەیى و تەکنیکى ھاتە دارێژتن ودان وستاندن ل سەر ئەوێ چەندێ هاتە کرن.

وەزیرێ خوێندنا بلند دپەیڤەکێ دا گوت: ستراتیژیەتا کارکردنێ ل وەزارەتێ دئەڤێ کابینەیێ دا و دابینکرن و پێگەهاندنا کادران پێدڤیە بۆ بازاڕێ کارى ل کوردستانێ، بشێوەکی کو ژھەژی و ژێھاتی و skills بن و بشێن شیانێن خو بوخزمەتکرنا گەلەک کەرتێن جودا جودا ب کاربینین، بو ڤێ چەندێ ژی مە پێدڤی ب گوهورینێن بنەرەتی ھەیە دفەلسەفا خواندن و ناڤەروکا پرۆگرام و ئاکامێن پروسێسا خواندن و ڕاهێنان و پیڤەرێن بەردەوامێن پێدڤیێن بازاڕێ کاری ..

هەروەسا ئاماژە  ب ئەوێ چەندێ هاتەکرن کو وەزارەتا خواندنا بلند دگەل وەزارەتا پەروەردێ ب هەڤپشکی کاربکەن بۆ دانانا ستراتیژیەت و پلانێ بۆ بەرڤرەهکرنا خواندنا پێشەیى و تەکنیکى ل هەرێما کوردستانێ بدانن، چونکی دنوکە دا بازاڕێ کاری ل کوردستانێ ژ هەر دەمەکێ دی  زێدەتر پێدڤیە ب کادرێ تەکنیکى و پێشەیى هەیە، ژبەر ئەڤێ چەندێ ئاڤاکرن و پێشڤەبرنا هەرێما مە بێ هەبوونا  تەخەکا کارا ژ کادرێن تەکنیکى کارەکێ ب زەحمەتە.

چهێ ئاماژێ پێکرنێ یە دکومبوونا بوری یا هەڤشپک دە ئەوا دناڤبەرا هەر دوو وەزارەتێن خواندنا بلند و ڤەکولینێن زانستى و وەزارەتاپەروەردێ دا، لیژنەکا بسپۆر یا هەڤپشک ھاتبوو پێکئینان بۆ وێ چەندێ ڕەش نڤێسێ ستراتیژى گەشەپێدانا خواندنا پیێشەیى و تەکنیکى ئامادەبکەن، بمەرەما پێشکێشکرنێ ب بۆردێ پەروەردێ و خواندنا بلند یا ئەنجومەنێ وەزیرێن هەرێما کوردستانێ.

© Copyright Duhok Polytechnic University (DPU) - All Rights Reserved

Website Admin: Sarbast Ali