سەرۆکا زانکۆیێ پشکدارى دكونفرانسێ پيشئێخستنا پەروەردەيى دا کڕ


2021-09-20 11:27:30

 

ب ئامادەبوونا نێچيرڤان بارزانى سەروكێ ھەرێما كوردستانێ و مسرور بارزانى سەروكێ حكومەتا ھەرێما كوردستانێ و ھەردوو وەزيران، وەزيرێ خواندنا بلند و ڤەكولينێن زانستى و وەزيرێ پەروەردێ و پروفیسورا هاریکار دکتورا ئارى عادل سەرۆکا زانکۆیا پۆلیتەکنیکى یا دهۆک و ژمارەکا پەرلەمانتار و راوێژكار و سەروك زانكۆ و رێڤەبەرێن دام و دەزگەهێن حکومى، كونفرانسێ پيشئێخستنا پەروەردەيى ل زانكويا ئەمريكى یا دهۆکێ برێڤەچوو،

ل دەستپێکا ئەڤى كونفرانسى نێچيرڤان بارزانى سەروكێ ھەرێما كوردستانێ گرنگریا برێڤەبرنا ئەڤی کونفرانسى دا دیارکرن، و ئاماژە ب وێ چەندێ کر کو پێدڤیە ب وێرەکى بزڤرینە بریارێن خو یێن بورى و ڤەکولینێ ل سەر بکەین دا بزانین مە ل کیڤە شکەستن ئینایە و ل کیڤە سەرکەفتن تومارکریە د بوراێ پەروەردێ دا و هەروەسا گوت: پێدڤیە دیفچوونەکا رێشەیى د سیستەمێ پەروەردێ دا بهێتەکرن ل دویف سیستەمێن نێڤدەولەتى یێن پێشکەفتى،

ژلایێ خو ڤە مەسرور بارزانی سەرۆکی حکومەتا ھەرێما کوردستانێ تەکەزى ل سەر وێ چەندێ کر کو پێدڤێە ئارمانجا سەرەکی یا خواندنێ نە بتنێ بدەستڤەئینانا باوەرنامێ بیت بەلکو بلندکرنا ئاستێ زانستى بیت، و هەروەسا ئەو چەندە ژى دیارکر کو د ئەڤێ کابینەیێدا پەنا بۆ قەرکرنێ نەبریە، بەڵکوو دەست ب چاکسازیێ کریە،

د بەردەوامییا ئەڤی کونفرانسى دا چەندین تەوەرێن دى ژلايێ بسپور و تايبەتمەندێن بوارێ پەروەردێ و خواندنێ ڤە ل دوور سيستەمێ K-19  يێ پيشئێخستنا پەروەردەيى هاتنە گەنگەشەکرن.

© Copyright Duhok Polytechnic University (DPU) - All Rights Reserved

Website Admin: Sarbast Ali