سەرۆکا نوی یا زانکۆیێ دەستبکاربوو


 

ب سەرپەرشتی و ئامادەبوونا (د. ئارام محمد قادر) وەزیرێ خواندنا بلند و ڤەکولینێن زانستی، ڕێوڕەسمێن دەستبکاربوونا سەرۆکا نوی یا  زانکۆیا پۆلیتەکنیکی یا دھۆک ل سەرۆکاتییا زانکۆیێ ھاتنە ب ڕێڤەبرن.

ئەڤرۆ ڕۆژا دووشەمبی، ڕێکەفتی 2021/8/9 و ب ئامادەبوونا وەزیرێ خواندنا بلند و ڤەکولینێن زانستی (د. ئارام محمد قادر) و شاندێ دگەلدا یێن وەزارەتا خواندنا بلند و ڤەکولینێن زانستی و ب ئامادەبوونا هەر ئێک ژ سەرۆکێ بەرێ یێ زانکۆیا پۆلیتەکنیکی یا دھۆک (پ. د. عدنان محسن عبدالعزیز) و دگەل سەرۆکا نوی یا زانکۆیا پۆلیتەکنیکی یا دھۆک (پ. ھ. د. ئاری عادل عبدالقادر) ڕێوڕەسمێن دەست ژ کاربەردانێ و دەستبکاربوونێ ھاتنە بڕێڤەبرن،

د ئەڤێ ڕێوڕەسمێ دا سەرۆکێ بەرێ (پ. د. عدنان محسن) دپەیڤەکێ دا چەندین زانیاری ل سەر کاروچالاکیان دا دیارکرن و سۆپاسیا گشت ماموستا و فەرمانبەر و قوتابیان کڕ، و ژلایێ خوڤە سەرۆکێ نوی یا زانکۆیا پۆلیتەکنیکی یا دھۆک (پ. ھ. د .ئاری عادل) سۆپاسیا سەرۆکێ زانکویێ یێ بەرێ کڕ ژبو ماندیبوونا وی و ستافێ دگەل دا کاری کری و ھەروەسا پلان و چەندین خالێن دی دپەیڤەکێ دا بۆ ئامادەبویان پێشکێشکرن و ل دووماھیا رێورەسمێ و لێکگوهارتنا پوستێ سەڕۆکێ زانکۆیێ هاتە ئەنجامدان.

© Copyright Duhok Polytechnic University (DPU) - All Rights Reserved

Website Admin: Sarbast Ali