سەرۆكا نوى يا زانكۆيا پۆليتەكنيكى يا دهۆك رێز و سوپاسى ئاراستەى (پ. د. عدنان محسن) كرن


2021-08-11 01:56:08

ب مەرەما سوپاسيكرنا سەرۆكێ بەرێ يێ زانكۆيا پۆليتەكنيكى يا دهۆك ئەڤرو روژا چوار شەمبى ل سەرۆكاتييا زانكۆيێ و ب ئامادەبوونا چەند ئەندامێن جڤاتا زانكويێ، سەرۆكا نوى يا زانكۆيا پۆليتەكنيكى يا دهۆك (پ. هـ. د. ئارى عادل عبدالقادر) رێز و سوپاسى ئاراستەى (پ. د. عدنان محسن عبدالعزيز) كرن،

 

پێخەمەت ئەوان دەستكەفت و پێشڤەچوونێن زانكۆيا پۆليتەكنيكى يا دهۆك دبوارێ ئەكاديمى و زانستى و نێڤدەولەتى دا بدەست خۆ ڤە ئيناين، (پ. هـ. د. ئارى عادل) سەرۆكا زانكۆيا پۆليتەكنيكى يا دهوك د ئێكەم روژا خو يا كاركرنێ دا دگەل سەروكێ بەرێ يێ زانكۆيێ (پ. د. عدنان محسن) كومبوو، و دروينشتنەكێ دا سەرۆكا نوى دەست خوشى و رێز و سوپاسى ئاراستەى سەرۆكێ بەرێ يێ زانكۆيێ و ستافێ دگەل دا كر، ژبو ئەوان دەستكەفت و پێشڤەچونێن دئەڤان نەهـ سالێن بورى دا زانكۆيێ بدەست خو ڤە ئيناين و سەرۆكا زانكۆيێ سوز دا ئەوان دەستكەفتان پارێزيت و هەمى هێز و شيانێن خو بمەزێخيت ژ بو بلندكرنا ئاستێ زانستى و پێشڤەچوونا زانكۆيێ د رێزبەنديا نيشتيمانى و جيهانى دا، و ژلايێ خو ڤە (پ. د. عدنان محسن) داخوازا سەركەفتنێ و پێشڤەچونێ بو (پ. هـ. د. ئارى عادل) خواست و ئامادەى و بەرهەڤيا خو ديار كر بو هەر كارەكێ ژلايێ زانكۆيێ ڤە بو بهێتە دەستنيشانكرن، و ل دووماهيا روينشتنێ گەنگەشە ل سەر چەندين تەوەر و خالێن گرنك و كارێ وەك تيم هاتە كرن.

© Copyright Duhok Polytechnic University (DPU) - All Rights Reserved

Website Admin: Sarbast Ali