کومبونا جڤاتا زانکۆیا پۆلیتەکنیکى یا دهۆک و زانکۆیا فورات یا ناڤەراست یا تەکنیکى ب هەفپشکى هاتە ئەنجامدان


 

ئەڤرو روژا پێنچ شەمبى (پ. د. عدنان محسن عبدالعزیز) سەروکێ زانکۆیێ و ئەندامێن جڤاتا زانکویێ ل سەروکاتییا زانکۆیا پۆلیتەکنیکى یا دهۆک پێشوازییا شاندێ جڤاتا زانکۆیا فورات یا ناڤەراست یا تەکنیکى کر و کومبونا جڤاتا هەر دوو زانکویان ب هەفپشکى هاتە ئەنجامدان ،

پشتى ل رێکەفتى ٢٠٢٠/١٢/٢ یاداشتناما لێکتێگەهشتنێ دنافبەرا (پ. د. عدنان محسن عبدالعزیز) سەروکێ زانکۆیا پۆلیتەکنیکی یا دهۆک و(پ. د. مظفر صادق الزهيري) سەروکێ زانکۆیا فورات یا ناڤەراست یا تەکنیکى (النجف)، هاتە ئیمزاکرن.

ئەڤرو روژا پێنچ شەمبى و ب مەرما چالاککرنا خالێن یاداشتنامێ روینشتەکا هەفپشک یا جڤاتێن هەر دوو زانکویان ل سەروکاتیا زانکۆیا پۆلیتەکنیکى یا دهوک هاتە ئەنجامدان، ودڤێ روینشتنێ دا گەنگەشە ل سەر وان سێزدە بەندان هاتە کرن، ئەوێن پێشتر د یاداشتنامێ دا هاتینە دیارکرن کو پرانییا وان بەندا تەکەزیێ لسەر هەفکاریا زانستى و ئالوگورکرنا ئەکادیمی و زانستى، هەردیسان گەشەپێدانا پروژێن ڤەکولینا یێن هەفپشک، و رێکخستنا کونفرانس و سمینار و وانەیێن هەفپشک، و ئالوگورکرنا بەرنامێن وانە گوتنێ و ڤەکولینێن ئەکادیمی دهاتە کرن. 

و پشتى روینشتنا هەفشک یا جڤاتێن هەر دوو زانکویان بدووماهیک هاتى، گشت ئەندامێن ڤێ روینشتنێ سەرەدانا تاقیگەهـ و لابورێن کولیژا تەکنیکى ئەندازیارى یا دهوک و پەیمانگەها تەکنیکى یا دهوک کر و چەندین بابەتێن گرنگ هاتنە ئازراندن و دهێتە چاڤەرێکرن ل ئایندەکێ نێزیک بهێنە جێبەجێکرن.

© Copyright Duhok Polytechnic University (DPU) - All Rights Reserved

Website Admin: Sarbast Ali