رویدان

ئه‌ڤرو روژا چار شه‌مبى رێكه‌فتى 16-6-2021  لژنا بلند یا ئه‌زموونان ل سه‌روكاتیا زانكویا پولیته‌كنیكى یا دهوكێ كو پێك هاتبوون ژ (د.دلدار فرزنده‌، ماموستا عمر محمد صالح ) سه‌ره‌دانا په‌یمانگه‌ها ته‌كنیكى یا ئامێدیێ كر و ژ لایێ ماموستا بنار امین هاریكارێ راگرێ په‌یمانگه‌هێ و ماموستا دلشاد یوسف سه‌روكێ لژنا ئه‌زموونان ل په‌یمانگه‌هێ هاتنه‌ پێشوازیكرن.

مه‌ره‌م ژ سه‌ره‌دانا لژنا سه‌ره‌كى یا ئه‌زموونان ل سه‌روكاتیا زانكویێ بو په‌یمانگه‌ها مه،‌ ژبو نێزیك ڤه‌ هایداربوون ل چاوانیا برێڤه‌چوونا ئه‌زموونێن سمسته‌رێ دوویێ خولا دوویێ و پێگیریكرن ب رێنمایان و رێكخستنا هولێن ئه‌زموونا و چاڤدێریا لژنا سه‌رپه‌رشتا ئه‌زموونان ل په‌یمانگه‌هێ بوو، پشتى سه‌ره‌دانا هولێن ئه‌زموونان و لژنا ئه‌زموونان ل په‌یمانگه‌هێ كرى، زێده‌بارى ده‌ستخوشیێ تێبینى و پێشنیارێن خوه‌ ئاراسته‌ى لژنا ناڤبرى كرن و هیڤیا سه‌ركه‌فتنێ بو  هه‌مى قوتابیان خواست.

راگه‌هاندنا په‌یمانگه‌هێ