بەش

بینینی به‌ش :

بەشی تەکنەلۆجیای زانیاری کاردەکات بۆ پەرەپێدانی قوتابی بەجۆرێک کە شایستەیان هەبێت بۆ کارکردن لە فه‌رمانگه‌ حکومییەکان و ڕێکخراوە ناحکومییەکان و گۆڕینی کۆمەڵگا بۆ کۆمەڵگەیەکی بەهێز و کاریگەر لەبواری تەکنەلۆجیای زانیاری و پەیوەندییە ئەلیکترۆنیەکان بەمەبەستی خزمەتکردن و بەدیهێنانی پێداویستییەکانی کۆمەڵگا. پەرەپێدان و بەهێزکردنی فەرمانبەران و تاکەکان لە بواری خزمەتگوزارییە دیجیتاڵییەکان لە فەرمانگە حکومییەکان و کەرتی تایبەت.

كاری به‌ش :

بەشی تەکنەلۆجیای زانیاری ئاڕاستەی پڕۆژەکانی دەرچوون بۆ خوێندکاران دەکات بەپێی پێویستی بەشەکانی دەوڵەت لە هەرێم بۆ بەرزکردنەوەی ئاستی کارایی و کاریگەریی خزمەتگوزارییە حکومییەکان و بەشداریکردن لە دروستکردنی سیستەمی داتابەیس، دانانی تۆڕی کۆمپیوتەر لە بەشەکانی دەوڵەت، دروستکردنی سیستەمی پەیوەندیکردن لە ڕێگەی... ئینتەرنێت، بەهێزکردنی کەرتی تایبەت، و کردنەوەی خول لە بواری تەکنەلۆجیای زانیاری و پەیوەندی ئەلیکترۆنی و دابینکردنی لێهاتوویی و زانیاری پێویست بۆ هاوڵاتییان بۆ کارلێککردن لەگەڵ خزمەتگوزارییە ئەلیکترۆنیەکان، لە هەوڵێکدا بۆ پاڵپشتیکردنی ئاراستەکانی حکومەت بەرەو کۆمەڵگایەکی پێشکەوتوو و کاریگەر لەسەر بنەمای زانیاری.

ئامانجه‌كانی به‌ش :

ئەم بەشە لە سەرەتای دامەزراندنی پەیمانگا لە ژێر ناوی سیستەمی کارپێکردن کراوەتەوە و خوێندکاری وەرگرتووە بۆ ساڵی خوێندنی 2009-2010

1- ئامادەکردنی ستافێكی ناوه‌ند لە نێوان قوتابی و مامۆستا لە وانە پراکتیکییەکان لە پەیمانگه‌ و زانکۆکان.

2- کارکردن لەسەر پرۆگرامی ئەپلیکەیشن و خزمەتگوزاری لە قوتابخانەکاندا.

3- بەدەستهێنانی ئەزموونی کارکردن لەسەر کۆمپیوتەر لە ڕووی ڕەقەکاڵا و نەرمەکاڵا.

4- ئەزموونی هەبێت لەبواری تەکنەلۆجیای ئینتەرنێت.

5- کارکردن لەسەر هەموو پرۆگرامەکانی کۆمپیوتەر لە ژیانی ڕۆژانەدا.

پێناسەی کار بۆ دەرچووانی بەش:

1- بەرپرسە لە سیستەمی تۆڕ و کۆمپیوتەر

2- پەرەپێدانی وێب و دیزاین و دروستکردنی ماڵپەڕ

3- بەرپرسی سیستەمی زانیاری

4- بەرپرسە لە پاڵپشتی تەکنیکی کۆمپیوتەر

5- بەرپرسە لە داتابەیس

6- شیکاری ئاسایشی زانیاری