رویدان

ئەڤرو روژا سێ شەمبی رێکەفتی 4/5/2021 شاندەکێ وەزارەتا خواندنا بلند و لێکولینێن زانستی کو پێکهاتبوون ژ د.عبدالفتاح عبدالرزاق برێکارێ وەزارەتا خواندنا بلند، د.داود رێڤەبەرێ پروژان ل وەزارەتێ دگەل بەرێز ئیسماعیل مستەفا دەڤەردارێ ئامێدیێ سەرەدانا پەیمانگەها تەکنیکی یا ئامێدیێ کر و ژ لایێ د.هکار زکی راگرێ پەیمانگەهێ ڤە هاتن پێشوازیکرن.
سەرەدانا ڤی شاندی پشتی وێ یەکێ هات بەری نها و ل دەما سەرەدانا سەروکێ حکومەتێ ل کابینا بوری و کابینا نهاژی بو دەڤەرا ئامێدیێ، د.هکار زەکی راگرێ پەیمانگەهێ ب کیتاب داخاز ژ بەرێز نێچیرڤان بارزانی و مسرور بارزانی کربوو کو هندەک پروژە و بینایەت بو پەیمانگەها تەکنیکی یا ئامێدیێ ژ وان پشکێن زانستی و بەشێ ناڤخویی یێ کوران بهێنە دروستکرن، سەرەدانا شاندێ ئەڤروژی بو هەمان مەرەم و دیفچوونا وان بوو، پشتی کومبوونا وان دگەل راگرێ پەیمانگەهێ کو هاریکارێ راگری و ئەندازیارا پەیمانگەهێ و بەرپرسا بنکا بەشێن ناڤخویی تێدا بەشداربوون بەحس ل وان پروژەیان و گرنگی و زرورییەتا وان بو پەیمانگەهێ هاتەکرن، پاشان سەرەدانا پشکێن ناڤخویی یێ کچان و کوران کر و ژ نێزیک ڤە هایداری رەوشا قوتابیان بوون و گوهداریا قوتابیان کر و دەست خوشی ل راگری و بەرپرسا بەشێن ناخویی کر بو وێ خزمەتا جوان و باش یا پێشکێشی قوتابیان دکەن.

راگەهاندنا پەیمانگەهێ