شاندێ وەزارەتا خواندنا بلند یا ئیراقی سەرەدانا کۆلیژ و پەیمانگەها تەکنیکی یا زاخۆ کر
2021-03-30 08:17:34
شاندەکێ لێژنەیا وەزارەتا خواندنا بلند و ڤەکولینێن زانستی یا ئیراقێ یا فیدرال باوەرپێکرنا زانکۆیێن پۆلیتەکنیکی سەرەدانا کۆلیژ و پەیمانگەھا تەکنیکی یا زاخۆیێ کر.
ئەڤرۆ ل رۆژا سێشەمبێ رێکەفتی ( ٢٠٢١/٣/٣٠) شاندەکێ لێژنەیا وەزارەتا خواندنا بلند و ڤەکولینێن زانستی یا عێراقێ یا فیدرال ب سەرۆکایەتییا بەرێز (د. حیدر بغدادی) سەرۆکێ لژنەیێ بوو و بەرێزێن دگەل دا پێکھاتبوو (پ.ھ.د. محمد سەعد) و (پ. ھ.د. حامد شاکر) و (م. علی شبیب) ئەندامێن لیژنێ و دگەل وان دا بەرێز (پ.هـ .د. زیرەک عزیز خان) هاریکارێ سەرۆکێ زانکویا پۆلیتەکنیکى یا دهۆکێ بۆ کاروبارێن زانستی و خاندنا بلند ژ لایێ راگرێ کۆلیژ و پەیمانگەھا تەکنیکی یا زاخۆ بەرێز (د. عبدالحکیم عثمان محمد) و بەرێز (م. نشوان محمد صالح) و بەرێز ( پ.ھ.د. عمار عصام إدریس) ھاریکارێن راگری و بەرپرسێن ھوبا و سەرۆك پشکێن زانستی ڤە ھاتنە پێشوازیکرن .
د رینشتنەکێ دا گەنگەشە لسەر چەندین بابەتێن گرنگ یێن گرێدایێ کارۆبارێن و چاوانییا رێڤەچوونا پەیمانگەھێ ھاتە کرن ، ھەروەسا شاندێ لیژنا ناڤھاتی دناڤا کۆلیژ و پەیمانگەھێ سەرەدانا ھەمی جھێن ھول خواندنێ و لاپۆران و تاقیگەھان و یەکەیێن کارگێری و بەشێن زانستی کرن.