شاندەکا وەزارەتا خواندنا بلند و لێکولینێن زانستی یا حکومەتا ئیراقێ سەرەدانا پەیمانگەها تەکنیکی یا ئامێدیێ کر.
ئەڤرو روژا سێ شه‌مبى رێكه‌فتى 30/3/2021 ب مەرەما باوه‌ریپێكرنێ و دانپێدانێ ب په‌یمانگه‌ها مه، شاندەکا وەزارەتا خواندنا بلند و لێکولینێن زانستی یا حکومەتا ئیراقێ سەرەدانا پەیمانگەها تەکنیکی یا ئامێدیێ یا سەر ب زانکویا پولیتەکنیکی یا دهوکێ کر و ژ لایێ د.هکار زکی راگرێ پەیمانگەهێ و جڤات و ماموستا و فەرمانبەرێن پەیمانگەهێ ڤە هاتنە پێشوازیکرن.
شاند ژ هەژمارەکا کەسێن ئەکادمی و ماموستایێن زانکویێ پێكاتبوو ژ بەرێزان ( د.حیدر بغدادی ) سەروکێ لژنا تایبەت یا وەزارەتا خواندنا بلند و لێکولیکێن زانستی یا حکومەتا ئیراقا فیدرال و به‌رێزان (د.حامد شاكر) و (د.محمد سعید) و ماموستا (على شبیب) دگه‌ل (د.زیره‌ك عزیزخان) هاریكارێ سه‌روكێ زانكویا پولیته‌كنیكى یا دهوكێ بو كاروبارێن زانستى و خواندنا بلند سه‌ره‌دانا په‌یمانگه‌ها مه كرن.
پشتى كومبوونێ دگه‌ل راگرێ په‌یمانگه‌هێ و به‌رچاڤكرن و نیشاندانا كاروچالاكى و به‌لگه‌نامێن پێدڤى یێن په‌یمانگه‌هێ هه‌ر ژ روژا دامه‌زراندنێ تا نها ژ لایێ راگرێ په‌یمانگه‌هێ ڤه، لژنا ناڤهاتى د سەرەدانا خودا ب هیوری ل هەمی بەش و هوبێن پەیمانگەهێ و هولێن خواندنێ و تاقیگه‌هان و په‌رتوكخانه و هولا سمینار و هه‌لكه‌فتان گەریان وهایداری ره‌وشا په‌یمانگه‌هێ و چاوانیا برێڤەبرنا ئیداری و ژمێریاری و زانستی بوون.
ل دوماهیێ ژی نەرین و بووچوونا خو ل سەر پەیمانگەهێ دیارکر و د یاداشتەکێ دا نڤیسی، لێ ب شێوەیەکێ گشتی دەست خوشی ل هەمی ستافێ پەیمانگەهێ کر و ب ناڤەندەکا گرنگ یا زانستی وەسف کر ژ روویێ ئەکادمی و زانستیڤە.
راگه‌هاندنا په‌یمانگه‌هێ