ئامار وزانیاری
پەیاما پشکێ:
پەیاما پشکێ بریتیە ژ هاریکرنا پەیاما پەیمانگەها تەکنیکیا ئامێدیێ ئەوا سەر ب زانکویا پولیتەکنیکى یا دهوکێ ڤە و ئەڤە ب رێیا کارلێکا پشکێ دگەل پشکێن دی یێن سەر ب پەیمانگەهێ ڤە. هەروەسا ئارمانجا فێ پشکێ بەرهەفکرنا دەرچوویێن خودان شیان د بوارێن جودا جودا دا د بوارێن ئامار و زانیاریدا دگەل پنجینەیێن زانستێن دى. هەروەسا ئامادەکرنا قوتابى دبوارێ پراکتیکى دا کو هەرزى بچنە دناڤا کارى دا.
دیدا پشکێ:
ئامانجا پشکێ بریتیە ژ ئاڤاکرنا جوری کو رول هەبیت دهاریکاریکرنا بوارێن جیاواز یێن ئەکادیمی و بازارێ کارى. هەروەسا هاریکاریکرن د تمامکەریێ دا د بوارێن ئامار و زانیاریدا و گەهشتن د بەرهەم ئینانا زانینێ دا ئەوا هاریکار د ئاڤاکرنا داهاتیێ کومەلگەها زانینێ.
ئارمانجا پشکێ:
- بەرەف باشتربرنا زانینێ د فێربونێ و ڤەکولینێن زانستى و خزمەت کرن د زانستێن جیاوازدا
- ئامادەکرنا قوتابیان بو کارى و ئاڤاکرنا شیانێن وان کارلێک و پەیوەندى دگەل کەسانێن دی ب رێ یا بەشداریکرنا ئەکتیڤ د بوارێ پراکتیکى دا.
- دەستڤەئینانا شیانان بو نیشاندانا هزر و کارکرن وەک ئێک تیم ب رێ یا پروژێن دەرچوونێ.
- ئامادەکرنا قوتابییان بو خێندنا بلند د بوارێن ئامار و زانیاری دا.
- ئامادەکرنا کادرەکێ زانستى ب رێ یا خوێندنا بلند
- کارلێک دگەل زانستێن دى ب تایبەت بیرکارى و زانستێن کومپیوتەرى
- هاریکاریکرن د پێشڤەبرنا زانستێ ئامارێ و لقێن وێ ب رێ یا ڤەکولینێن زانستى و بەشداریکرن د سمیناران و کونفرانسان و مێڤانداریا و هندەک ژڤان چالاکییان
ئەرکێ دەرچوویان:
ئەرکێ دەرچوویێن پشکا ئامارو زانیارى دێ بڤى شێوێ لخوارێ بیت:
- دێ شیان هەبن د راوێژپێکرنا ئامارو زانیارى دا بو دام و دەزگەهێن میرى و یێن تایبەت و ڤەکولەران دبوارێن جیاوازدا
- چارەسەرکرن و شیکارکرنا هەمی جورێن داتایان ب رێ یا کومپیوتەران و راڤە کرنا وان
- ئامادەکرنا راپورتێن ئامارى د چالاکیێن جوداجودادا
- بکارئینانا سیستەمێ کومپیوتەرى و پروگرامێن بەرهەڤ بو بکارئینەرا
- هاریکاریکرن د ئامادەکرن و ووردبین کرن و تێکرنا زانیارییان بو کومپیوتەرى
- هاریکاریکرن د ئامادەکرن و دیزاین کرنا سیستەم و پروگرامکرن و پێشڤەبرنا وان بو خزمەتکرنا شیکارکرنا ئامارى
- دێ شیان هەبن خولێن فێرکرنێ ب رێڤەببەن د بسپوریا خودا