قوتابیێن پروژێ چارەسەریێن جیهانى دەست بکار بۆن


2021-02-21 12:41:22

 

ب ئامادەبۆنا (پ. د. عدنان محسن عبدالعزیز) سەرۆکێ زانکۆیا پۆلیتەکنیکى یا دهۆک، دەمێ ئەڤرو روژا ئێک شەمبى ل سەروکاتییا زانکویێ کومبۆنا ئێکێ یا قوتابیێن پروژێ چارەسەریێن جیهانى(GLOBAL SOLUTIONS) دەستپێکر، و دڤێ کومبونێ دا قوتابیێن زانکۆیا پۆلیتەکنیکى یا دهۆک ب رێکا ڤیدیو کونفرانسى وانەیەکا هەفپشک دگەل قوتابیێن ئەمریکى ئەمریکى ئەنجامدا،

دڤێ کۆمبونا هەفپشک دا سەرپەرشتێ پروژەى (م. محمد عبدالقادر ) رێڤەبەرێ پەیوەندیێن نێڤدەولەتى و قوتابیێن کۆلیژا تەکنیکى یا ئاکرێ، و کۆلیژا تەکنیکى تەندروستى شێخان، و کۆلیژا تەکنیکى ئەندازیارى یا دهۆک، گەنگەشە ل سەر ئەنجامدانا پروژەیەکێ ئالگورا قوتابییان دگەل کولیژا ئەسترێلا ل ویلایەتا ئەریزۆنا یا ئەمریکى ژبۆ ئەنجامدانا پروژەکێ هەفپشک یێ خزمەتکرنا ژینگەهێ و جڤاکى کو دهێتە چاڤەرێکرن ئەف پروژە دێ بو دەمێ شەش حەفتیان بەردەوام بیت.

بۆ زانین : زانكۆیا پۆلیتەکنیکى یا دهۆک پێشتر پشکدارى د ئالوگورا زانستى و کەلتورى دا کریە دگەل کۆلیژێن ئەمریکى و رێزێن ئێکێ بدەست خۆڤە ئیناینە، و ئەڤە دبیتە جارا دووێ زانکۆیا پۆلیتەکنیکى یا دهۆک ب کومەکا قوتابیان پشکداریێ دئالگورا قوتابیان دا دکەت دگەل کۆلیژێن ئەمریکى.

© Copyright Duhok Polytechnic University (DPU) - All Rights Reserved

Website Admin: Sarbast Ali