راهێنەرەکێ زانکۆیا پۆلیتەکنیکى یا دهۆک بۆ قارەمانێ کوردستانێ


2021-02-02 05:28:55

پشتى ئەرکێ راهێنەرایەتییا تیما فوتسالا ئافرەتێن دهۆکێ وەرگرتى شیان لسەر ئاستێ هەرێما کوردستانێ ببنە قارەمان.

ئەحمەد حسێن بەرپرسێ چالاکیێن وەرزشى یە، ل زانکۆیا پۆلیتەکنیکى یا دهۆک شیا رێزا ئێکێ بو تیما فوتسالا یانەیا ئافرەتێن دهۆکێ دخۆلا فوتسالا نایابا هەرێما کوردستانێ دا بدەست خۆڤە بینیت دەمێ بەرى بدووماهیک هاتنا هەفرکیێن خولێ ب دوو گەرا ناسناڤێ خولێ مسوگەر کرى،

ب ئامادەبۆنا دکتور (على تتر) پارێزگەرێ دهۆکێ، و(سفین کانبى) سەرۆکێ ئێکەتیا تەپا پێى یا کوردستانێ، و درێورەسمێن خەلاتکرنا قارەمانێن خولا فوتسالا کوردستانێ دا ئەوا هەفرکیێن وێ لسەر ئاستێ کچان دهاتنە ئەنجامدان، ئەحمەد حسێن و تیما وى یا فوتسالێ ل هولا گرتى یا کولیژا پەروەردا وەرزشى ل دهۆکێ ب مەتالێ خولێ هاتنە خەلاتکرن دەمێ دیاریا گەرا دووماهیێ دا، ئافرەتێن دهۆکێ ب سەرپەرشتیا راهێنەر ئەحمەدى سەرکەفتن لسەر کچێن یانەیا تەناهى تومارکرى ب ٦ گولا بەرامبەر گولەکێ و بڤى ئەنجامى هژمارا گولێن تیما ئافرەتێن دهۆکێ گەهشتنە ٨١ گولا و شیان ل رێزا ئێکێ بهێن و ببنە قارەمان ب کومکرنا ٢٧ خالان.

© Copyright Duhok Polytechnic University (DPU) - All Rights Reserved

Website Admin: Sarbast Ali