شاندێ زانکۆیا پۆلیتەکنیکی یا دهۆك گەهشتە بەغدا


 

 ب مەرما ئەنجامدانا وورک شوپەکێ دەربارەى پێڤاژوویا بۆلۆنا و سیستەمێ ECTS، و خورتکرنا پەیوەندیێن نافخوى و نێفدەولەتی دگەل زانکۆیێن ئیراقى و جیهانی یێن باوەرپێکری ژلایێ حکومەتا هەرێما کوردستانێ ڤە، ئەڤرو روژا چوار شەمبى و ل دەمژمێر ٩:٠٠ سپێدێ شاندێ زانکۆیا پۆلیتەکنیکى یا دهۆک ب سەرۆکاتییا (پ. د. عدنان محسن عبدالعزیز) سەرۆکێ زانکۆیێ و شاندێ دگەل دا یێن پێک هاتى ژ (پ. هـ. د. زیرک عزیزخان) هاریکارێ سەرۆکێ زانکۆیێ بو کاروبارێن زانستى، و (پ. هـ. د. مسعود عبدالکریم عبدالرحمن) راگرێ کولیژا تەکنیکى تەندروستى شێخان و پەیمانگەها تەکنیکى شێخان، و دکتور ( دیار قادر) رێڤەبەرێ سەنتەرێ ڤەکولینێن زانستى، ودکتور ( ژیار محمد ناجى) ماموستایێ زانکویێ، و ماموستا (محمد عبدالقادر) رێڤەبەرێ پەیوەندیێن نێڤدەولەتى، گەهشتنە بەغدا و ژلایێ (پ. د. عبدالمحسن ناجي المحيسن) سەروکێ زانکۆیا تەکنیکى یا ناڤەراست ڤە هاتنە پێشوازیکرن، و گەنگەشە لسەر خالێن یاداشتناما رێکەفتى ٢٠٢٠/١٢/٢ هاتە کرن ئەوا ل سەرۆکاتییا زانکۆیا پۆلیتەکنیکى یا دهۆک هاتیە ئیمزا کرن دنافبەرا هەر دوو زانکۆیان دا دەربارەى هەفکاریا زانستى.

 

و هەر دڤێ سەرەدانێ دا وەک جێبەجێکرنا خالێن یاداشتنامێ (پ. هـ. د. زیرک عزیزخان) هاریکارێ سەرۆکێ زانکۆیێ بو کاروبارێن زانستى، و (پ. هـ. د. مسعود عبدالکریم عبدالرحمن) راگرێ کولیژا تەکنیکى تەندروستى شێخان و پەیمانگەها تەکنیکى شێخان، دووەمین دوورک شوپەک دەربارەى پێڤاژوویا بۆلۆنا و سیستەمێ ECTSبۆ ژمارەکا راگر و ماموستایێن زانکۆیا تەکنیکى یا ناڤەراست (بغداد) شروڤە کر و گەنگەشە لسەر چەندین تەوەرێن وورک شوپێ هاتە کرن ب مەرەما وێ چەندێ زانکۆیا تەکنیکى یا ناڤەراست ژى پێڤاژوویا بۆلۆنا و سیستەمێ ECTS بۆ سالا خواندنێ ٢٠٢١-٢٠٢٢ ل پەیرەو بکەت.

 

بو زانین ل رێکەفتى ٢٠٢٠/١٢/٢ دوو‌ یاداشتنامێن لێکتێگەهشتنێ یێن هەفکاریا زانستى، دنافبەرا زانکۆیا پۆلیتەکنیکی یا دهۆک و هەر دوو زانکۆیێن تەکنیکى یێن ئیراقێ، زانکۆیا تەکنیکى یا ناڤەراست (بغداد)، و زانکۆیا فورات یا ناڤەراست یا تەکنیکى (النجف) هاتینە ئیمزاکرن، کو ناڤەروکا ڤان هەر دوو یاداشتنامان ژ سێزدە بەندان پێک دهێن و پرانییا وان بەندان تەکەزیێ لسەر چه‌ندین خالێن گرنگ دکەن کو پێک دهێن ژ هەفکاریا زانستى و ئالوگورکرنا ئەکادیمی و زانستى، هەردیسان گەشەپێدانا پروژێن ڤەکولینا یێن هەفپشک، و رێکخستنا کونفرانس و سمینار و وانەیێن هەفپشک، و ئالوگورکرنا بەرنامێن وانە گوتنێ و ڤەکولینێن ئەکادیمی، و ب مەرەما جێبەجێکرنا خالێن یاداشتنامان و دیارکرنا هەفکاریا زانستى شاندێ زانکۆیا پۆلیتەکنیکى یا دهۆک سەرەدانا نەجەف و بەغدا کریە.

© Copyright Duhok Polytechnic University (DPU) - All Rights Reserved

Website Admin: Sarbast Ali