شاندێ زانکۆیا پۆلیتەکنیکی یا دهۆك گەهشتە نەجەف


ب مەرما خورتکرنا پەیوەندیێن نافخوى و نێفدەولەتی دگەل زانکۆیێن ئیراقى و جیهانی یێن باوەرپێکری ژلایێ حکومەتا هەرێما کوردستانێ ڤە، ئەڤرو روژا دوو شەمبى و ل دەمژمێر ٩:٠٠ سپێدێ شاندێ زانکۆیا پۆلیتەکنیکى یا دهۆک ب سەرۆکاتییا (پ. د. عدنان محسن عبدالعزیز) سەرۆکێ زانکۆیێ گەهشتنە زانکۆیا فورات یا ناڤەراست یا تەکنیکى (النجف)، و ژلایێ (پ. د. مظفر صادق الزهيري) سەروکێ زانکۆیا نافهاتى ڤە هاتنە پێشوازیکرن، و گەنگەشە لسەر چەندین تەوەرێن گرنگ و هەفکاریا زانستى هاتە کرن.

و ژلایەکێ دیڤە هەر دڤێ سەرەدانێ دا(پ. هـ. د. زیرک عزیزخان) هاریکارێ سەرۆکێ زانکۆیێ بو کاروبارێن زانستى، و (پ. هـ. د. مسعود عبدالکریم عبدالرحمن) راگرێ کولیژا تەکنیکى تەندروستى شێخان و پەیمانگەها تەکنیکى شێخان، پێڤاژوویا بۆلۆنا و سیستەمێ ECTS دوورک شوپەکێ دا بۆ ژمارەکا راگر و ماموستایێن زانکۆیا فورات یا ناڤەراست یا تەکنیکى ل (النجف) شروڤەکر کو بو دەمێ ٤ دەمژمێرا ڤەکێشا ب مەرەما وێ چەندێ زانکۆیا فورات هەمان پێڤاژوو و سیستەم ل سالا خواندنێ ٢٠٢١-٢٠٢٢ پەیرەو بکەت.

و دهێتە چاڤەرێکرن ل روژا چوار شەمبى رێکەفتى ٢٠٢١/٢/١٠ شاندێ زانکۆیا پۆلیتەکنیکى یا دهۆک یێ پێک هاتى ژ (پ. د. عدنان محسن عبدالعزیز) سەرۆکێ زانکۆیێ، و(پ. هـ. د. زیرک عزیزخان) هاریکارێ سەرۆکێ زانکۆیێ بو کاروبارێن زانستى، و(پ. هـ. د. مسعود عبدالکریم عبدالرحمن) راگرێ کولیژا تەکنیکى تەندروستى شێخان و پەیمانگەها تەکنیکى شێخان، و(پ. هـ. د. ژیار محمد ناجى) ماموستایێ زانکویێ، و دکتور( دیار قادر) رێڤەبەرێ سەنتەرێ ڤەکولینێن زانستى، و ماموستا(محمد عبدالقادر) رێڤەبەرێ پەیوەندیێن نێڤدەولەتى، سەرەدانا زانکۆیا تەکنیکى یا ناڤەراست (بغداد) بکەن ژبو ئەنجامدان دووەمین وورک شوپ دەربارەى پێڤاژوویا بۆلۆنا و سیستەمێ ECTS

بو زانین دسالا بورى دا و ب ئامادەبونا (د. حامد احمد خلف) بریکارێ وەزارەتا خاندنا بلند و ڤەکولینێن زانستى یا فیدرالى، دوو‌ یاداشتنامێن لێکتێگەهشتنێ یێن هەفکاریا زانستى، دنافبەرا زانکۆیا پۆلیتەکنیکی یا دهۆک و هەر دوو زانکۆیێن تەکنیکى یێن ئیراقێ، زانکۆیا تەکنیکى یا ناڤەراست (بغداد)، و زانکۆیا فورات یا ناڤەراست یا تەکنیکى (النجف)هاتینە ئیمزاکرن، کو ناڤەروکا ڤان هەردوو یاداشتنامان ژ سێزدە بەندان پێک دهێن و پرانییا وان بەندان تەکەزیێ لسەر چه‌ندین خالێن گرنگ دکەن کو پێک دهێن ژ هەفکاریا زانستى و ئالوگورکرنا ئەکادیمی و زانستى، هەردیسان گەشەپێدانا پروژێن ڤەکولینا یێن هەفپشک، و رێکخستنا کونفرانس و سمینار و وانەیێن هەفپشک، و ئالوگورکرنا بەرنامێن وانە گوتنێ و ڤەکولینێن ئەکادیمی، و ب مەرەما جێبەجێکرنا خالێن یاداشتنامان و دیارکرنا هەفکاریا زانستى شاندێ زانکۆیا پۆلیتەکنیکى یا دهۆک سەرەدانا نەجەف کریە.

© Copyright Duhok Polytechnic University (DPU) - All Rights Reserved

Website Admin: Sarbast Ali