سێ مامۆستایێن زانكۆیا پۆلیتەکنیکى یا دهۆک باوه‌رناما نێڤده‌وله‌تى د بوارێ پێداگۆجى دا وه‌رگرتن


2021-02-09 04:06:56

پشتى ٥٣ ماموستایان ژ زانکۆێن هەرێما کوردستانێ پشکدارى دپرۆگرامێ پێداگۆجى یێ زانكۆیا( HAMK) یا فینله‌ندى دا كرى، ئەڤرو روژا سێ شەمبى و دمەراسیمەکێ دا و ل سه‌نته‌رێ ره‌وشه‌نبیرى و كۆمه‌لایه‌تى یێ زانكۆیا سه‌لاحه‌ددین باوه‌رنامێن پێداگۆجى ژ زانكۆیا HAMK)) یا فینلندى وەرگرتن،

(د. ئارام محه‌مه‌د قادر) وه‌زیرێ خواندنا بلند و ڤه‌كولینێن زانستى د پەیڤەکێ دا ئاماژە ب پرۆژێ ڕیفورما سیسته‌مێ پێداگۆجى کر و گوت: وه‌رچه‌رخانەکە ژبۆ ‌ئاراستا به‌رفره‌هكرنا شێوازێ هزركرنێ و ره‌خساندنا ژینگه‌هه‌كا گونجاى بۆ ئازادیا هزركرنێ و داهێنان و كارسازیێ.

هەر دبەردەوامیدانا بەرگەیێن ڤێ ڕێوره‌سمێ دا و دپه‌نه‌له‌كى دا هژماره‌كا مامۆستایێن پشکدارى دخۆلێ پێداگوجى یا زانکۆیا (HAMK Häme University of Applied Sciences) یا فینله‌ندى کرى، و به‌حسێ گرنگى و ئه‌زموونا دوو سالى یا كاركرنێ لدویف سیسته‌مێ نووى یێ ڕاهێنانكرنا مامۆستایان کر، و ب پێنگاڤه‌كا گرنگ و مه‌زن یا وه‌زاره‌تێ ل قه‌له‌م دان.

ب مەرەما پشکداریکرنێ دڤێ مەراسیمێ دا  شاندێ زانكۆیا پۆلیتەکنیکى یا دهۆک ب نوینه‌رایه‌تیا (پ. د. رجب ابراهیم) هاریكارێ سه‌رۆكێ زانكویێ بۆ كاروبارێن قۆتابیان، و ماموستا (سید باسم محمد سید احمد) بەرپرسێ هوبا پروگرامێن خواندنێ ل زانکویێ پشکداى دڤێ مەراسیمێ دا کر، و د بەرگەیا دووماھیێ دا باوەرنامە لسەر هەر ٥٣ ماموستایێن زانکویێن هەرێما کوردستانێ دا هاتنە بەلافکرن، و هەرسێ  ماموستاێن زانکۆیا پۆلیتەکنیکى یا دهۆک دکتۆر (مصعب سلمان سلطان) ماموستا ل کولیژا تەکنیکى ئینفورماتیک ئاکرێ، و ماموستا (حنان عبدالرحمن طاهر) ژ كوليژا تەکنیکى کارگێرى دهۆک، (د. شاکرحسن ابراهیم) ژ پەیمانگەها تەکنیکى دهۆک، باوه‌رناما نێڤده‌وله‌تى د بوارێ پێداگۆجى دا وه‌رگرتن.

© Copyright Duhok Polytechnic University (DPU) - All Rights Reserved

Website Admin: Sarbast Ali