روینشتنا چوارێ یا جڤاتا زانکۆیا پۆلیتەکنیکی یا دهۆک هاتە ئەنجامدان


2021-01-18 01:24:42
ئەڤرو ڕۆژا ئێک شەمبی ڕێکەفتى (٢٠٢٠/١/١٧) و لدەمژمێر ٧:٠٠ ئێڤارى روینشتنا چوارێ یا جڤاتا زانکۆیا پۆلیتەکنیکی یا دهۆک بو سالا خواندنێ ٢٠٢٠-٢٠٢١ ب رێکا ئونلاین ھاتە ئەنجامدان،
دڤێ روینشتنێ دا گەنگەشە لسەر چەندین تەوەرێن گرنک ھاتەکرن، ل دەست پێکا روینشتنێ (پ. د. عدنان محسن عبدالعزیز) سەرۆکێ زانکۆیا پۆلیتەکنیکی یا دھۆک پیروزباهیا (د. دلدار فرزندە زبیر) راگرێ کولیژا تەکنیکى ئاکرێ، و (د. عبدالحکیم عثمان محمد) راگرێ پەیمانگەها تەکنیکى زاخۆ کر، ب هەلکەفتا دەست بکاربونا وان وەک راگرێن نوى و ئەندامێن نوى یێن جڤاتا زانکویێ، هەروەسا سەروکێ زانکویێ تەکەزى لسەر ریڤەبرن و رێکخستنا ئەزمونێن وەرزێ ئێکێ کر کو ل دویف رینمایێن وەزارتا خواندنا بلند و ڤەکولینێن زانستى بهێنە ئەنجامدان، و ژبو دیارکرنا کاروچالاکیان هەر ئێک ژ (د. دیار قادر) رێڤەبەرێ سەنتەرێ توێژینێت زانستى، و(د. نوزت صادق احمد) رێڤەبەرێ تومارا گشتی، و (م. سرکفت رشید) رێڤەبەرێ راگەهاندنێ، و (م. عمر محمد صالح) رێڤەبەرێ تەکنەلوجیا زانیاری، و ( م. اومید محمد) رێڤەبەرێ دارایێ، و (م. کارزان عوني) رێڤەبەرێ دلنیا جورى، و (م. باسم سید محمد سیداحمد) بەرپرسێ هوبا پروگرامێن خواندنێ، هاتبونە مێهڤانکرن، ژبو دارشتنا بیرو بوچون و پێشنیارێن رێڤەبەریێن سەروکاتیا زانکویێ،
د تەوەرێ ئێکێ دا هەر ئێک ژ (پ. هـ. د. زیرک عزیزخان) هاریکارێ سەروکێ زانکویێ بو کاروبارێن زانستى ، و (پ. هـ. د. صلاح عبدال) هاریکارێ سەروکێ زانکویێ بو کاروبارێن کارگێرى و دارایى، و(پ. هـ. د. رجب ابراهیم) هاریکارێ سەروکێ زانکویێ بو کاروبارێن قوتابیان، کاروچالاکیێن کاروبارێن زانستى وکارگێرى و دارایى و کاروچالاکیێن قوتابیان ئێخستنە دبوارێ گەنگەشەکرنێ دا، زێدەبارى وێ چەندێ کو کاروبارێن گوڤارا زانکویێ ژى ژلایێ (د. صدیق یوسف أمین) ڤە کەفتە دبوارێ گەنگەشەکرنێ دا.
و دته‌وه‌رێ دووێ دا کاروبارێن قوتابیان و پروسێسا رێکخستن و رێڤەبەرن و ئەنجامدانا ئەزمونێن قوتابیان هاتنە گوتوبێژکرن، و د ته‌وه‌رێ سێ یێ دا كاروبارێن زانستى دچه‌ندین برگه‌یان دا هاتنه ‌گەشگەشەكرن، و دتەوەرێ و چوارێ و پێنجێ دا كاروبارێن كارگێری و یاسایی و یێن راگەهاندنێ هاتنه‌ به‌حسكرن.

© Copyright Duhok Polytechnic University (DPU) - All Rights Reserved

Website Admin: Sarbast Ali