رێڤەبەرێ نەخوشخانا کورونایێ هاتە خەلاتکرن
پشتى ل رێکەفتى ٢٠٢٠/٣/٨ پوستێ رێڤه‌به‌رێ نه‌خوشخانا كورونایێ ل دهوكێ وه‌رگرتى و هەتا نوکە بەردەوام بوى لسەر کارێ خو، و ژبلی كارێ وی وه‌ك ماموستایێ تایبه‌تمه‌ندێ نه‌خوشیێن خوینێ ل زانکۆیا پۆلیتەکنیکى یا دهۆک - كولیژا ته‌كنیكی ته‌ندروستی شیخان ئەڤڕو روژا دوو شەمبى و درێورەسمەکێ تایبەت دا (د. بزاف ناجى رەشید) رێڤەبەرێ نەخوشخانا کورونایێ ل دهۆکێ ژلایێ (پ. د. عدنان محسن عبدالعزیز) سه‌روكێ زانكویا پولیته‌كینكی یا دهوك ڤە هاتە خەلاتکرن، ژبەر خزمەتا وى بۆ کومەلگەهێ کرى و هەتا ئەڤرو رێکەفتى ٢٠٢٠/١٢/٢١ ب شێوازەکێ رێک و پێک کارێ خۆ ئەنجامدایە و هەروەسا ل زانکویێ ژى دکتور بزاڤى روله‌كێ دیار و به‌رچاف و كاریگه‌ر هه‌بویه دگه‌ل لیژنا بلند یا به‌رهنگاربونا نه‌خوشیا ڤایروسێ کورونایێ،
و هەر ل دوور خەلاتکرنا دکتور بزاڤی، (پ. د. عدنان محسن عبدالعزیز) سەروکێ زانکویێ د پەیڤەکێ دا گوت: دەمێ دکتور بزاڤى پوستێ رێڤه‌به‌رێ نه‌خوشخانا كورونایێ ل دهوكێ وه‌رگرتى ئه‌ركێ وی بزه‌حمه‌تر لێهات دناف پارێزگه‌ها دهوكێ دا چونكی وه‌رگرتنا پوستێ رێڤه‌به‌رێ نه‌خوشخانا كورونایێ مینا وه‌رگرتنا پوستێ سه‌ركرده‌یه‌كێ پێشمه‌رگه‌یه ل سه‌نگه‌رێن به‌ره‌ڤانیكرنێ، به‌لێ مه باوه‌ری بشیانێن ماموستایێ خو هه‌بون کو دێ ئەڤى ئەرکى ب سەرکەفتیانە جێبەجێکەت و دێ یێ سه‌ركه‌فتی بیت هه‌ر وه‌ك وان كارو و ئه‌ركان ئه‌وێن بو زانكویا پولیته‌كنیكی یا دهوك ئه‌نجام داین، و هەروەسا هه‌ر ئه‌ركه‌كێ بو دکتور بزاڤى هاتیه ده‌ستنیشانكرن خو ژێ نه دایه پاش و بسه‌ركه‌فتیانه ئه‌نجامدایه و ئه‌ڤه ژی ژ دلسوزی و وه‌فاداریا وی یە بو خزمه‌تكرن و پێشڤه‌چونا ئاستێ زانستی و ئه‌كادیمی ل هه‌رێما كوردستانێ ب گشتی و پارێزگه‌ها دهوكێ بتایبه‌تى، هەر ژبەر ڤێ چەندێ ئەم شانازیێ ب دکتور بزاڤى دبەین و هیڤیدارین نمونێن وەک وى زێدەبن بو خزمەتکرنا گەل و وەلاتى.
ده‌ست خوشیێ ل دكتور بزاڤی و هه‌ڤالێن دگه‌ل دا دكه‌ین كو شه‌ف و روژا دكه‌نه ئێك پێخه‌مه‌ت پاراستنا گیانێ خه‌لكێ پارێزگه‌ها دهوكێ و ژ خودێ دخازین هاریكار و پشته‌ڤانێ مه هه‌میان بیت و پارێزگه‌ها مه پارێزیت ژ هه‌ر نه‌خوشیه‌كێ و بتایبه‌ت ڤێ ئێشا گران یا جیهان هه‌می ڤه‌گرتی.