رويدان

 ل دەمژمێر 11 ی سپێدەهیا ئەڤرو 17/12/2020 و ب ئامادەبونا ماموستا پیران ئەنوەر جێگرێ راگرێ پەیمانگەها تەکنیکی کارگێری دهوک وماموستا وفەرمانبەر وقوتابیان روژا ئالایێ پیروزێ کوردستانێ هاتە ساخکرن.

ژبەر وان کاودانێن ساخلەمی یێن جیهان وکوردستان تێدا دەربازدبن وخو پارێزی ژڤایروسێ کورونا ئەڤ روژە بتنێ ب بلندکرنا ئالایێ پیروزێ کوردستانێ دگەل سرودا نشتیمانی ل گورەپانا پەیمانگەهێ هاتە بلندکرن ژلایێ قوتابیێن پشکا راگەهاندنێ ڤە.

ئامادەکاریێن ساخکرنا ڤێ روژێ هاتبونەکرن ژلایێ بنکا راگەهاندنێ و ئێکەتیا قوتابیێن کوردستانێ ب سەرپەرشتیا توران عابد بەرپرسێ لژنا قوتابیان.

وەک نەریتەکێ سالانە روژا ئالایێ پیروزێ کوردستانێ ب ئاهەنگ ل پەیمانگەها تەکنیکی کارگێری دهوک دهێتە ساخکرن.