رویدان

راگرێ په‌یمانگه‌ها ته‌كنیكى یا ئامێدیێ بخێرهاتن و پێشوازیا قوتابیێن قوناغا ئێكێ كر و سالا نوى یا خواندنێ لێ پیروزكر و رێنمایێن خواندنێ و خو پارێزیێ ژى بو گوتن.

ئه‌ڤرو رێكه‌فتى 7/12/2020 ل هولا په‌یمانگه‌هێ د.هكار زكى راگرێ په‌یمانگه‌ها ته‌كنیكى یا ئامێدیێ دگه‌ل قوتابیێن قوناغا ئێكێ یێن په‌یمانگه‌هێ كومبوو و بخێرهاتن و پێشوازیا وان كرو سالا نوو یا خواندنێ لێ پیروزكر.

هه‌روه‌سا راگرێ په‌یمانگه‌هێ بو قوتابیێن نوى به‌حسا شێوازێ خواندنا ئه‌ڤ ساله‌ كر كو ژبه‌ر ڤایروسێ كورونایێ خواندن ب سیسته‌مێ ئاوێته‌ دهێته‌ خواندن تاكو وه‌زاره‌ت بریاره‌كا نوو دده‌ت كا ب چ شێوه‌ به‌رده‌وامى ب خواندنا ئه‌ڤ ساله‌ بهێته‌ دان. ژ قوتابیان خواست پێگیرى رێنمایێن ته‌ندروستیێ بن و خو بپارێزن. دووباره‌ سالا نوى ل هه‌مى قوتابیان پیروزكر و خواست پابه‌ندى رێنمایان بن.

راگه‌هاندنا په‌یمانگه‌هێ