پێڤاژوویا بۆلۆنا دێ ل گشت کولیژ و پەیمانگەهان هێتە جێبەجێکرن


2020-12-06 01:24:38

ب مەرەما جێبەجێکرنا پێڤاژوویا بۆلۆنا و پەیرەوکرنا سیستەمێ  ECTS ل گشت کولیژ و پەیمانگەهێن زانکۆیا پۆلیتەکنیکى یا دهۆک

ئەڤرو ب ئامادەبونا (پ. د. عدنان محسن عبدالعزیز) سەروکێ زانکۆیا پۆلیتەکنیکى یا دهۆک کومبونا لیژنێن تایبەت یێن بسپوریێن (تەندروستى و کارگێرى و ئەندازیارى و کشتوکالى و تەکنولوجیا زانیاریان) یێن کولیژ و پەیمانگەهێن تەکنیکى ل سەروکاتییا زانکۆیێ هاتە ئەنجامدان

دڤێ کومبونێ دا سەروکێ زانکویێ و سەروک و ئەندامێن لیژنا بلندا پێڤاژوویا بۆلۆنا و سیستەمێ ECTS ل زانکویێ، تەکەزى لسەر جێبەجێکرنا پێڤاژوویا بۆلونا و سیستەمێ  ECTSکر، هەروەسا گەنگەشە لسەر وێ چەندێ ژى کر کو پێشتر ئەف سیستەمە ل کولیژا تەکنیکی ئەندازیاری دهۆک، کولیژا تەکنیکی تەندروستی شێخان و پەیمانگەها تەکنیکی بەردەرەش ل سالا خواندنا ٢٠١٨-٢٠١٩ هاتیە بجهئینان، و دیڤدا ل پەیمانگەها تەکنیکی دهۆک و پەیمانگەها تەکنیکی شێخان ل سالا خواندنا ٢٠١٩-٢٠٢٠ هاتیە بجهئینان‌، و لدویڤ بڕیارا چڤاتا زانکۆیێ ئەف سیستەمە هەر ژ سالا خواندنا ٢٠٢٠-٢٠٢١ دێ ل گشت کولیژ و پەیمانگەهێن زانکۆیی ل خواندنا (سپێدەیان وئێڤاران) هێتە بجهئینان، هەروەسا گەنگەشە لسەر وێ چەندێ ژى هاتەکرن، کو پرانییا سەرۆک پشک ومامۆستایێن زانکۆیێ پشکرداری چەندین سمینار  و وورکشوپێن گرێداى ڤی سیستەمى دا کریە ل ناڤ و دەرڤەى هەرێمێ و وپەیرەوکرنا ڤی سیستەمى ب پێشڤەچوونەکا زانستى و ئەکادیمى دایە زانین.

 

© Copyright Duhok Polytechnic University (DPU) - All Rights Reserved

Website Admin: Sarbast Ali