كاروچالاكيێن زانكويێ دێ باشتر هێنە رۆمالكرن


2020-12-01 05:52:23

ب مەرەما باشتر رومالكرنا كاروچالاكيێن زانكويێ ژلايێ راگەهاندنا زانكويێ ڤە ئەڤڕو روژا سێ شەمبى رێكەفتى ٢٠٢٠/١٢/١ و لدەمژمێر ١٠:٠٠ سپێدێ كومبونا رێڤەبەريا راگەهاندنێ لسەروكاتييا زانكويێ هاتە ئەنجامدان

 

دڤێ كومبونێ دا شەش تەوەر هاتنە گەنگەشەكرن، كو پێشتر ژلايێ (پ. د. عدنان محسن عبدالعزيز) سەروكێ زانكۆيا پۆليتەكنيكى يا دهۆك ڤە هاتبونە ئازراندن،

ل دەستپێكا كومبونێ (م. سركفت رشيد) رێڤەبەرێ راگەهاندنا زانكۆیا پۆلیتەکنیکى یا دهۆک  بخێرهاتنا گشت بەرپرسێن راگەهاندنێ ل كوليژ و پەيمانگەهێن تەكنيكى يێن زانكويێ كر و سوپاسيا ماموستايێ زانكويێ (د. ارشد حيتو)ى كر ژبو هەفكاريا وى يا بەردەوام دگەل كاروچالاكيێن رێڤەبەريا راگەهاندنێ و بتايبەت دروستكرنا پەرتوكەكێ لسەر كاروانێ زانكۆيا پۆليتەكنيكى يا دهۆك كو بابەتێ تەوەرێ ئێكێ يێ كومبونێ بوو و دهێتە چاڤەرێكرن د دەمەكێ نێزيك دا ئەف پەرتوكە دروست ببيت، و دتەوەرێ دووێ دا گەنگەشە لسەر راپورتا حەفتيانە هاتە كرن ئەوا بو وەزارتا خاندنا بلند و ڤەكولينێن زانستى دهێتە هنارتن، و برگە و خالێن تەوەرێن دى د تايبەت بون لسەر كارو ئەرك و نويكرنا تابلوێن ئاڤاهيان و بەلافكرنا كاروچالاكيان كو لسەر مالپەرێ زانكويێ بهێنە بەلافكرن.

© Copyright Duhok Polytechnic University (DPU) - All Rights Reserved

Website Admin: Sarbast Ali