روینشتنا سێ یێ یا جڤاتا زانکۆیا پۆلیتەکنیکی یا دهۆک ب رێکا ئونلاین ھاتە ئەنجامدان


ئەڤرو ڕۆژا چوار شەمبی ڕێکەفتى (٢٠٢٠⁄١٠⁄٢٨) و لدەمژمێر ١٠:٠٠ سپێدێ روینشتنا سێ یێ یا جڤاتا زانکۆیا پۆلیتەکنیکی یا دهۆک ب رێکا ئونلاین ھاتە ئەنجامدان و گەنگەشە لسەر چەندین تەوەرێن گرنک ھاتەکرن. 

ل دەست پێکا روینشتنا ئونلاين (پ. د. عدنان محسن عبدالعزیز) سەرۆکێ زانکۆیا پۆلیتەکنیکی یا دھۆک سەرەخوشى و هەفخەمیا جڤاتا زانکویێ ئاراستەى راگرێ پەیمانگەها تەکنیکى یا بەردەرش کرن ژبەر وەغەرکرنا دەیکا وى، و هەردیسان داخازا ساخلەمیەکا باش بو هەمى ستافێ زانکویێ خواست.

 

هەروەسا ژبۆ گەنگەشەکرنا چەندین ته‌وەرێن گرنک، هەر ئێک ژ  (د. صدیق یوسف امین)، و ( د. دیار قادر سلیم ) رێڤەبەرێ سەنتەرێ توێژینێت زانستى، و ( د. دلدار فرزندە زبیر ) رێڤەبەرێ کارگێرى، و (د. نوزت صادق احمد) رێڤەبەرێ رێڤەبەریا تومارا گشتی، و (م. سرکفت رشید سلیمان) رێڤەبەرێ رێڤەبەریا راگەهاندنێ، و  (م. عمر محمد صالح حسن) رێڤەبەرێ رێڤەبەریا تەکنەلوجیا زانیاری، و (م. عبدال محمد قادر ) رێڤەبەرێ یاسا، و (م. محمد عبدالرزاق ) رێڤەبەرێ دلنیا جورى، و (م. محمد احمد ) رێڤەبەرێ زانستى، و ( م. اومید محمد ) رێڤەبەرێ دارایێ، و (م. پەیمان حسن محمد علی ) بەرپرسا هوبا خواندنا بلند، و (م. باسم سید محمد سیداحمد) بەرپرسێ هوبا پروگرامێن خواندنێ هاتبونە گازیکرن ژبو دارشتنا بیروبوچون و پێشنیارێن رێڤەبەریان.

دته‌وه‌رێ ئێكێ دا کاروبارێن قوتابیان و پروسێسا خاندنا ئاوێته‌ هاته‌ به‌حسكرن، و د ته‌وه‌رێ دووێ دا كاروبارێن زانستى دچه‌ندین برگه‌یان دا هاتنه ‌گەشگەشەكرن مینا زێدەکرنا روژێن گوتنا وانەیان بو ماموستایان ل کولیژ و پەیمانگەهان، و چارەسەرکرنا ئاریشەیێن قوتابیێن خاندنا بلند (دبلوما بلند ، ماستەر ، دکتورایێ) ئەوێن بو سال خواندنێ 2021/2020 هاتینە وەگرتن هاتە کرن، و هەروەسا تەکەزى لسەر وێ چەندێ کر کو هەر ژ روژا ئێکێ ٢٠٢٠/١١/١ یا دەستپێکرنا خواندنا بلند (دبلوما بلند، ماستەر ، دکتورایێ) راگرێ هەر کولیژەکێ ب ئامادەبوونا هەمی سەروک بەشێن زانستی یێن پەیوەندیدار دگەل بەرپرسێن بنکێن خواندنا بلند ل کولیژێ کومبونەکێ دگەل هەمی قوتابیان بکەت، و هەروەسا هەمی رێنمایێن خواندنا بلند ژى بو قوتابیان بێنە دیار کرن و کا چەند بابەت دێ هێنە خواندن، و قوتابیان ئاگەهدار بکەت لسەر هەمی رێنمایێن خواندنا بلند، و یا گرنگە سمینارەک ژلایێ ( د. دیار قادر سلیم) رێڤەبەرێ سەنتەرێ توێژینێت زانستى ڤە بهێتە گوتن بو قوتابیان، و هەروەسا چاوانیا دروستكرن و بکارئینانا ناسنامێن قوتابیێن خاندنا بلند ژى هاتە بەحسکرن دگەل مولەتێن خواندنێ یێن وان قوتابیان ئەوێن ل ئەزموونا زارەکی هاتینە وەرگرتن.

و دتەوەرێ سێ یێ و چوارێ دا كاروبارێن كارگێری و یاسایی هاتنه‌ به‌حسكرن و دهێته‌ چاڤه‌رێكرن لده‌مه‌كێ نێزیك چه‌ندین بریارێن كارگێرێ و یاسیای ژلایێ سه‌روكاتیا زانكویێ ڤه‌ بهێنه‌ ده‌ركرن، و د ته‌وه‌رێ پێنجێ دا گەنگەشە لسەر داخوازیا (د. دیار قادر سلیم) رێڤەبەرێ سەنتەرێ توێژینێت زانستی ل سەر پەسەند کرنا رێنمایێن خەرجکرنا شایستەبوونا ڤەکولینێن زانستی هاتە کرن، و ته‌كه‌زی لسه‌ر ئاماده‌كرن و به‌لافكرنا ڤه‌كولینێن زێده‌تر هاته‌ كرن ژلایێ ماموستایێن زانكویێ ڤه‌ كو گشت بواران بخوڤه‌ بگرن، هەروەسا نویکرنا تابلویێن نافێن کولیژ و پەیمانگەهان دگەل ب کارئینانا زمانێن پێدڤى برگا دووماهیێ بو ژڤێ کومبونێ، ئەوا هەر ئەندامەکێ دڤێ رونشتنێ دا ئامادەبوى ب رێکا ئونلاین ل ژورا خو یا کارى پشکدار کرى و گەنگەشە لسەر تەوەرێن کومبونێ کرین.

 

© Copyright Duhok Polytechnic University (DPU) - All Rights Reserved

Website Admin: Sarbast Ali