ئێکەم کومبۆنا جڤاتا زانکۆیا پۆلیتەکنیکی یا دهۆک بۆ ساڵا نوو یا خواندنێ ھاتە ئەنجامدان


ئەڤرو ڕۆژا ئێک شەمبی ڕێکەفتى (٢٠٢٠⁄٩⁄٦) و لدەمژمێر ٩:٠٠ شەف ئێکەم کومبۆنا جڤاتا زانکۆیا پۆلیتەکنیکی یا دهۆکێ ب ئامادەبۆنا سەروکێ زانکۆیێ و گشت ئەندامێن جڤاتێ ب رێکا ئونلاین ھاتە ئەنجامدان و چەندین بڕیارێن گرنگ ل دۆر ساڵا نوو یا خواندنێ (٢٠٢٠-٢٠٢١) ھاتنە دەرکرن. 

ل دەست پێکا کومبونێ (پ. د. عدنان محسن عبدالعزیز) سەرۆکێ زانکۆیا پۆلیتەکنیکی یا دھۆک سالا نوی یا خاندنێ ل گشت راگر و ئەندامێن جڤاتا زانکویێ و ماموستا و فارمانبەر و قوتابیان پیروزکر و ژخودایێ مەزن و دلوڤان خواست کۆ ئەف پەتایا کورۆنا ژناف بچیت و جارەکا دی رەوشا جیھانێ ژلایێ ساخلەمیێ ڤە ئارام بیت.

و ديفدا چەندین تاوەر و بریارێن گرنگ ھاتنە گەنگەشەکرن و دەرکرن و ژ گرنگترین وان بڕیارێن ژلایێ جڤاتا زانکۆیێ ڤە ھاتینە دەرکرن ئەڤێن ل خوارێنە:- 

ڕۆژا شەمبی ڕێکەفتى(٢٠٢٠⁄١٠⁄٣) دێ دەواما قوتابیێن زانکۆیا پۆلیتەکنیکی یا دهۆک ب شێوازێ خواندنا تێکەل (ئاوێتە) Blended Learinng)) دێ دەستپێکەت و وانەیێن تیوری دێ ب شێوازێ ئونلاین و ب رێکێن ریکورد و راستەوخۆ ھێنە شروڤەکرن و پێشکێشکرن و وانەیێن پراکتیکى و تاقیگەهان و ئەزموونێن کورسی و دووماهییا ساڵێ دێ ل ناڤ کەمپێ زانکۆیێ هێنەئەنجامدان. 

دتەوەرێ دووێ دا تەکەزی لسەر قوتابیێن ب شێوازی مێھڤانداری دھێنە زانکویێ و بەشێن نافخویی ھاتەکرن و جڤاتا زانکویێ بریار دا بەشێن نافخویی بو وەرزێ ئێکێ یێ سالا خاندنێ ٢٠٢٠-٢٠٢١ ل زانکۆیا پۆلیتەکنیکی یا دھۆک نە ھێنە ڤەکرن ژبەر رەوشا ساخلەمیێ و ھەردیسان جڤاتا زانکویێ بریار دا دەرگەهێ مێهڤاندارییێ بۆ گشت قوتابیێن خوەجهێن دهۆکێ ڤەکەت ئەوێن ل زانکویێن پارێزگەھێن دی دخوینن و دڤێن ل زانکۆیا پۆلیتەکنیکی یا دھۆک بخوینن. 

د تەوەرێ سێ یێ دا ئاریشێن دارایی و کرێین یا وانەگوتنا ماموستایێن وانە بێژێن نافخوی و دەرەکی و سەرەدان ھاتە گەنگەشەکرن و تەکەزی لسەر باشترین رێکە چارەسەریان ژبو خەرجکرنێ ھاتە کرن 

دتەوەرێ چوارێ دا تەکەزی لسەر ئەنجامدانا دوو کونفرانسێن نێڤدەولەتیێ ل زانکۆیا پۆلیتەکنیکی یا دھۆک ھاتە کرن کو يێ ئێكێ يێ گرێدای بيت دبوارێ ئەندازیاری و زانستێن دا و يێ دووێ يێ گرێداى بيت د بوارێ کارگێری و ساخلەمیێ دا. 

دتەوەرێ پێنچێ دا تەکەزی لسەر برێڤەبرنا خولەکا فێرکاری یا بکارئینانا موودلی ھاتەکرن ژبۆ ماموستا و سەروک بەشێن زانستی ل گشت کولیژ و پەیمانگەھێن زانکویێ. 

دتەوەرێ شەشێ و دووماھیێ دا گەنگەشە لسەر کاروبارێن راگەھاندنێ ھاتە کرن و جڤاتا زانکویێ بریار دا کو ئاھنگا دەرچونێ نا ھێتە سازکرن بو دەرچویێن سالا خاندنێ ٢٠١٩-٢٠٢٠

© Copyright Duhok Polytechnic University (DPU) - All Rights Reserved

Website Admin: Sarbast Ali