روينشتنا دەهێ يا جڤاتا زانكويێ هاتە ئەنجامدان


ب مەرەما وەرگرتنا پێشنیار و بوچوونێن راگرێن کولیژ و پەیمانگەهێن زانکویێ لسەر جێبەجێکرنا ئەزمونێن دووماهيا سالێ و پلانا خاندنێ يا سالا بهێت، ئەڤرو روژا چوار شەمبى رێكەفتى 22_7_2020 ل دەمژمێر 8:00 شەڤێ روينشتنا دەهێ يا جڤاتا زانكۆيا پۆليتەكنيكى يا دهۆك ب رێكا ئونلاين هاتە ئەنجامدان.

ئەف روینشتنە ب سەرپەرشتیا (پ.د. عدنان محسن عبدالعزيز) سەروكێ زانكۆيا پۆليتەكنيكى يا دهۆك وب ئامادەبونا هەر سێ هاريكارێن سەروكێ زانكويێ و گشت ئەندامێن جڤاتا زانكويێ زێدەباری ئەندامێن جڤاتێ هەر ئێك ژ(ب . د. صدیق یوسف امین) و (د. نوزت صادق احمد) رێڤەبەرێ رێڤەبەریا تومارا گشتی و (باسم سید محمد سیداحمد) بەرپرسێ هوبا پروگرامێن خواندنێ و (عمر محمد صالح) رێڤەبەرێ رێڤەبەریا تەکنەلوجیا زانیاری و (سرکفت رشید سلیمان) رێڤەبەرێ رێڤەبەریا راگەهاندنێ ئامادەى روينشتنا دەهێ بون ئەوا ب رێکا ئونلاین هاتيە ئەنجام دان و دڤێ روينشتنێ دا پێشنیار و بوچوونێن راگرێن کولیژ و پەیمانگەهێن زانکویێ لسەر جێبەجێکرنا ئەزمونێن دووماهيا سالا خواندنێ  2020 – 2019 و پلانا خاندنێ يا سالا خاندنێ 2020-2021 هاتنە وەرگرتن

پشتى گەنگەشە لسەر چەند خال و پشنيار و بوچونان ھاتیە کرن ژلایێ ئامادەبویان ڤە، تەكەزى لسەر دەستنیشانکرنا هەلسەنگندرێن زمانی هاتە كرن كو پێدڤیه ل دویف شارەزایەکا باش بهێنە هەلبژارتن و هەروەسا ئەو بابەتێن هاتينە گەنگەشەكرن لدیڤ رێنمایێن وەزارەتا خواندنا بلند وڤەکولینین زانستى ڤە بهێنە جێبەجێكرن.

© Copyright Duhok Polytechnic University (DPU) - All Rights Reserved

Website Admin: Sarbast Ali