خودانێ پەرتوكا (دێ ھەژاریێ کوژم !) سوپاسيا سەروكێ زانكۆيا پۆليتەكنيكى يا دهۆك دكەت


2020-06-14 07:35:11

ب مەرەما زێدەكرنا ژێدەران دناف پەرتوكخانێن گشت كوليژ و پەيمانگەهێن زانكۆيا پۆليتەكنيكى يا دهۆك دا، ماموستايەكێ وانەبێژ ل زانكۆيا پۆليتەكنيكى يا دهۆك رابويە ب دروستكرنا پەرتوكەكێ بناڤێ (دێ ھەژاریێ کوژم !) 

(عيماد بركات) ئەو ماموستايێ وانەبێژێ كوليژا تەكنكى كارگێرى يا دهوكە ئەوێ ب دروستكرنا ڤێ پەرتوكێ رابوى و هەر لسەر دروستكرنا ڤێ پەرتوكێ عيماد بەرەكات د داخويانيەكێ دا بو مالپەرێ زانكۆيا پۆليتەكنيكى يا دهوك گوت: ئەڤ پەرتوكە دبيتە دوازدەمین پەرتوكا من دكەڤيتە بەردەستێن خودانەڤانان و بابەتێن ڤێ پەرتوكێ گرێداينە ب کارگێری و ئابوری ڤە و ناڤەروکا وێ بەحسی چەند تەوەران دكەت وەكى چەوانیا بدەستڤەئینانا پارەی و چەوانیا رێڤەبرنا کارى و تەکنیکێن پێشکەفتی بو کارى، و ئەف پەرتوكە نە بتنێ بو وان کەسانە یێن خودان كار بەلكو بو وان کەسانە یێن چ کار ژى نەبن، هەر وەسا بو كەسێن خودان کومپانی و کەسێن زەنگينە ژى کو پارێ خو پتر زێدە کەن و هەروەسا بەشەک ژ پەرتوكێ بتنێ پێزانینێن ئابوری نە، ب شێوەکێ گشتی من بزافكريە کەسى بێ بەھر نەكەم ژ مفا وەرگرتن و خاندنا ڤێ پەرتوكێ، و ل دووماهيێ(عيماد بركات) ڤيامانديبون و زەحمەتا وان ماموستا و لايەنێن بكەت يێن بوينە پشتەڤان بو وى ژبو دروستكرنا ڤێ پەرتوكێ و گوت: سوپاسيا سەروکاتیا زانکویا پولیتەکنیکی یا دھوک و بتايبەت بەرێز (پ. د. عدنان محسن عبدالعزيز) سەروكێ زانكويێ دكەم کو ھەمی دەما پشتەڤانێ رەوشەنبیری و زانستی بوویە و ھاریکاريا من كريە ژبو چاپکرنا ئەڤێ پەرتوکێ و هەر ب هاريكارى و پشتەڤانيا سەروكاتيا زانكۆيا پۆليتەكنيكى يا دهۆك ئەم شياين ڤى بەرهەمى دناف پەرتوكخانێن گشت كوليژ و پەيمانگەهان وەك ژێدەر زێدە بكەين و فەرە بێژم ئەف پەرتوكە بەرهەمێ زانكۆيا پۆليتەكنيكى يا دهوك و هەروەسا سوپاسيا ماموستايێ زانكۆيا پۆليتەكنيكى يا دهۆك ئاراز پيرو دكەم کو پێداچوونا زانستی بو پەرتوكێ کریە، و سوپاسی بو هەر لايەنك و كەسەكێ هاريكاريا من كرى ژبو بەرهەم ئينانا ڤێ پەرتوكێ.

© Copyright Duhok Polytechnic University (DPU) - All Rights Reserved

Website Admin: Sarbast Ali