بریارێن کومبوونا جڤاتا زانکۆیا پولیتەکنیکى یا دهوک دەربارەی رێکارێن بجهـئینانا رێنمایێن وەزارەتێ


بریارێن کومبوونا جڤاتا زانکۆیا پولیتەکنیکى یا دهوک دەربارەی رێکارێن بجهـئینانا رێنمایێن وەزارەتێ

ئاماژە ب نڤیسارا وەزارەتا خاندنا بالا و توێژینێت زاستی ژمارە  ٥٣٢٤ ل  ١/٦/٢٠٢٠

       سەبارەت ب رێنمایێن هەلسەنگاندنا دوماهیا سالا خاندنا ٢٠١٩-٢٠٢٠ و لدویف ئەو دەستهەلاتیا ب زانکویا هاتیه دان بو دارشتنا ووردەکاریا جێبەجێکرنێ، ولدویف ئەو رێکەفتنا ل ناڤ بەرا هەر چار زانکویێن پارێزگەها دهوکێ هاتیە ئەنجامدان (زانکویا پولیتەکنیکی یا دهوک، زانکویا دهوک، زانکویا زاخو، زانکویا نەوروز) ل روژا ئێک شەمبی ٧/٦/٢٠٢٠ و هەروەسا لدویف بریارین جڤاتا زانکویێ ل کومبوونا خو یا دوماهیێ، ئەڤ بریارێن خارێ هاتنە دان:

 

ئێک:درێژە پێدانا خاندنا ئەلکترونی بو ماوێ دوو هەفتیا ژ ٧/٦/٢٠٢٠ هەتاکو ٢٢/٦/٢٠٢٠ ژبو تەمامکرنا

خاندنێ و چالاکیا بو ئەو وانێن ٨٠\\% کێمتر هاتینە ئەنجام دان، ودەستڤە ئینانا نمرێن بزاڤێ، ل هەرسێ سیستەمێن خاندنێ ( سالانە ، وەرزی و بولونیا).

 

دوو: ژ ٢٥/٦/٢٠٢٠ هەتاکو ٩/٧/٢٠٢٠ دێ ماوێ هەلسەنگاندنا دوماهیا سالا خاندنا ٢٠١٩-٢٠٢٠ بیت.

 

سێ: نمرا بزاڤا سالێ دێ ٥٠\\% بیت ونمرا هەلسەنگاندنا دوماهیێ دێ ٥٠\\% بیت بو هەر سێ سیستەمێ خاندنێ.

 

چار:  - ل سیستەمێن خاندنا (وەرزی و بولونیا) نمرا بزاڤا قوتابی (٤٠\\% نمرە کویز و وورکلود و راپورتێن

        ناڤ کەمپس بەرى کورونا دگەل ١٠\\% نمرە بو ئامادەبوون و بەردەوامیا خاندنا ئەلکترونی) بخوڤە دگریت.

     - ل سیستەمێ خاندنا سالانە نمرا بزاڤا سالێ (٣٠\\% نمرە ئەزموونێن نیڤا سالێ دگەل ١٠\\% نمرە چالاکی

       دگەل ١٠\\% نمره بو ئامادەبوون و بەردەوامیا خاندنا ئەلکترونی) بخوڤە دگریت.

-        دڤێتن نمرێن بزاڤا سالێ بهێنە راگەهاند بشێوەی ئونلاین بەرێ ئەنجام دانا هەلسەنگاندنا دوماهیێ ب سێ روژان.  

 

پێنج: ٥٠\\% نمرە بو ئەنجامدانا هەلسەنگاندنا دوماهیا سالێ یە، کو دێهێتە ئەنجام  دان ب رێکا (ئامادکرنا راپورتەکێ یا ئەنجامدانا ئەسایمنتەکێ) یە، کو ماموستای وانێ دگەل پشکا زانستی دێ بریارا وێ چەندێ دەن لدویف بسپوریا وانەی، بو هەر ئێک ژوان مەرج ورێکارێن تایبەت بهێنە دەستنیشانکرن (ژبو دلنیا بوون ژ دیر کەفتنا قوتابی ل گزیێ و کوپی بێستێ) ب هەماهەنگی دگەل سەروکێ لیژنا بسپوریا تایبەت، وبو نمونە ( راپورتا ئامادەکری ژ ٢٥٠٠ ووشا کێمتر نەبیت)، یان لدویف راسپاردا ماموستای وانێ.

 

شەش: وانێن پەرینەوە و بارکری دێ هێتە هەلسەنگاندن ب ١٠٠\\% نمرە، کو دێ بهەمان مەرج و شێوازێن خالا پێنج یا سەرى مامەلەت دگەل هێتەکرن.

 

حەفت: هەلسەنگاندنا پروژێن دەرچوونێ بو قوتابیێن قوناغێن چارێ ل کولیژان دێ لدویف رێنمایێن وەزارەتێ بیت، کو (٥٠\\% نمرە بو سەرپەرشتی و ٥٠\\% نمرە بو هەلسەنگەری) بیت، بو سەرپەرشتى و هەلسەنگەری هەیە گەنگەشێ دگەل قوتابی بکەن برێکا بلاتفورمێ ئونلاین.

هەشت: مەشقا هاڤینێ دێ ب رێکا ئەنجام دانا چار وورکشوپان بیتن( هەر ددو ووركشوب ل مەهەکێ دا)، ل مەهێن (تەموز و ئاب)، ژ لایێ بسپورێن پروفیشنال، کو ژ لایەن پشکا زانستی وسەنتەرێ کاریCDC  و رێڤەبەریا کاروبارێن زانستی ل سەروکاتیا زانکویێ دێ هیتە ئامادەکرن وئەنجام دان، ودیکومنتکرنێ بشێوازێ ئولاین، هەروەسا دێ هەلسەگاندنا قوتابیان هێتە ئەنجامدان هەر ب وی شێوەى ئونلاین.

 

نەهـ:ژفانێ هەلسەنگاندنا دوماهیێ گەرا دووێ، دێ ژ لایێ سەروکاتیا زانکویێ هێتە راگەهاندن ل دەمەکێ دی.

 

دەهـ: ل سیستەمی خاندنا بولونیا و خاندنا وەرزی

1-    دێ بشت هێته بەستن ب رێژا جێبەجێکرنا وانەى ( تیوری ، پراکتیکی، وورکلود یا چالاکی) لدویف فورما تایبەتا وێ چەندی ب مەرجەکێ کو رێژا جێبەجێکرنی ژ ٨٠\\% کێمتر نەبیت. بەروڤاژیا وێ چەندێ دێ وانە هێتە پاشخستن بو سالا خاندنا ٢٠١٩-٢٠٢٠ ژبو تەمام کرنا رژا جیبەجێکرنێ ل خاندنا وەرزی، ودەستڤەئینانا کریدتین پێتفی بو دەربازبوونێ ل سیستەمێ خاندنا بولونیا.

2-    هەکە رێژا جێبەجێکرنا وانەی ٨٠\\%  و زێدەتر بیتن ، بەلێ قوتابی چ چالاکی وورکلود نەبن ل هەردوو ماوێن خاندنێ (ل ناڤ کەمپس بەرى کورونا و خاندنا ئەلکترونی)، دڤیتن قوتابی مفاى ژ ڤی دەمێ درێژکرنا خاندنێ وەرگریتن ژ بو دەستڤەئینانا نمرا بزاڤێ.

 

 یازدە: ل سیستەمێ خاندنا سالانه

  1.       دێ بشت هێته بەستن ب رێژا جێبەجێکرنا کورس بووکی وانەی ( تیوری ، پراکتیکی، و چالاکی) لدویف فورما تایبەتا وێ چەندی ب مەرجەکێ کو رێژا جێبەجێکرنی ژ ٨٠\\% کێمتر نەبیت. بەروڤاژیا وێ چەندێ دێ مفا هێتە وەرگرتن ژ ماوێ درێژکرنا خاندنێ ئەوا مه ل خالا ئێک ئاماژە پێکری.
  2.       هەکە رێژا جێبەجێکرنا وانەی ٨٠\\% بیت ، بەلێ قوتابی ئەزموونا نیڤا سالێ ئەنجام نه دابیت، و چ چالاکیێن دی نەبن ل هەردوو ماوێن خاندنێ (ل ناڤ کەمپس بەرى کورونا و خاندنا ئەلکترونی) بو دەستڤە ئینانا نمرا بزاڤا سالێ، دێ قوتابی هێته راسپاردن بو ئەنجام دانا (راپورتەکێ یان ئەسایمنتەکێ) لدویف مەرج و رێکارێن ئامادەکری بو وێ چەندێ چ لاى ماموستاى وانێ و پشکا زانستی دگەل سەروکێ لیژنا بسپوریا تایبەت، هەروسا ئامادەکرنا فورما هەلسەنگاندنێ بنمرا بو وێ چەندی.
  3.       قوتابیێ دەرچوو ل بزاڤا سالێ دێ هێته هژمارتن دەرچوو ل سالا خاندنا ٢٠١٩-٢٠٢٠
  4.       قوتابیێ کەفتی ل بزاڤا سالێ دێ هێته راسپاردن بو ئەنجام دانا (راپورتەکێ یان ئەسایمنتەکێ) لدویف بسپوریا وانەی ومەرج و رێکارێن ئامادەکری بو وێ چەندێ چ لاى ماموستاى وانێ و پشکا زانستی دگەل سەروکێ لیژنا بسپوریا تایبەت، هەروسا ئامادەکرنا فورما هەلسەنگاندنێ بنمرا بو وێ چەندی، دێ نمرا ئەنجاما دوماهیێ بیتە ( نمرا بزاڤا سالێ + نمرا هەلسەنگاندنا راسپاردا دوماهیێ)
  5.       بو قوتابیێ دەچوو هەیە ئاستێ تێکرایا نمرێن خو بلند کەتن، ئەوژی ب ئەنجام دانا (راپورتەکێ یان ئەسایمنتەکێ) لدویف بسپوریا وانەی ومەرج و رێکارێن ئامادەکری بو وێ چەندێ چ لاى ماموستاى وانێ و پشکا زانستی دگەل سەروکێ لیژنا بسپوریا تایبەت، هەروسا ئامادەکرنا فورما هەلسەنگاندنێ بنمرا بو وێ چەندی، دێ نمرا ئەنجاما دوماهیێ بیتە ( نمرا بزاڤا سالێ + نمرا هەلسەنگاندنا راسپاردا دوماهیێ یا دووێ).

 

  رێڤەبەریا دلنیایێ جوری/هوبا پروگرامێت خاندنێ

 

© Copyright Duhok Polytechnic University (DPU) - All Rights Reserved

Website Admin: Sarbast Ali