رويدان

ئەڤرو روژا سێ شەمبی 9/6/2020 لدەمژمێر 11 سپێدێ جڤاتا پەیمانگەها تەکنیکی کارگێری دهوک کومبونەک لسەر رێنمایێن هەلسەنگاندنا دوماهیکا سالێ ئەنجام دا.

ب سەرپەرشتیا راگرێ پەیمانگەهێ دکتور هادى خەلیل  وئامادەبونا هەرئێک ژ جێگرێ راگرێ پەیمانگەهێ ماموستا پیران ئەنوەر وهەرپێنچ سەروک پشکێن زانستى وسەروکێ لژنا تاقیکرنا کومبونەک ئەنجام دا لسەر دوماهیک رێنمایێن هاتینە پەسەندکرن دکومبونا روژا 7/6/2020 ب ئامادەبونا نوێنەرێن زانکویێن ( پولیتەکنیکی یا دهوک و زانکویا دهوک، زاخو، نەوروز) ولدیڤ وێ دەستهەلاتا ب زانکویان هاتیە دان بو دارشتنا وردەکاریێن جێبەجێکرنا رێنمایێن هەلسەنگاندنا دوماهیکا سالێ یێن روژا 1/6/2020 هاتینە بەلاڤکرن ژلایێ وەزارەتا خواندنا بلند وڤەکولینێن زانستی.

دکومبونا جڤاتا پەیمانگەها تەکنیکی کارگێری دهوک بریار هاتەدان:

درێژەپێدانا خواندنا ئەلکترونی بو ماوێ دوو هەفتیا ژ 7/6/2020 تا 22 ڤێ هەیڤێ ژبو تەمامکرنا وان وانێن نەگەهاندینە 80\% وئەنجامدانا چالاکیان وکویزان ودانا ئەرکان بو قوتابیان ژبو دانانا نمرا بزاڤێ (سعی).
_بو سیستەمێ خواندنا (وەرزی):
_نمرا بزاڤێ (سعی) وەرزی 50\% بیت کۆ هەمی چالاکیێن ناڤ کەمپس و خواندنا ئەلکترونی ب خۆڤە دگریت ، 10 ژوان نمران دێ لسەر ئامادەبونا تە بیت دخواندنا ئەلکترونی دا.
_50\% نمره ل سەر راپورتێ یان ئەسایمنتا هەلسەنگاندنێ یە.
_جورێن هەلسەنگاندنا دوماهیێ دێ بشێوازێ (راپورت یان ئەسایمنت) بیتن، و لدویف بسپوریا وانا خواندنێ کو ماموستای وانێ دیارکەت كا چەند لاپەربیت ب ئاگەداریا پشکا زانستی، و مەرجێن ئامادەکرن و ئەنجامدانێ بهێنە دیارکرن بو قوتابی دگەل رێکا هەلسەنگاندنێ ب نمران، هەر ژئەڤرو تو دشێ ی دەست ب راپورتێ بکەی پشتی ماموستا شێوازی بوتە دیاردکەتن.
_راپورت یان ئەسایمنت یا هەلسەنگاندنێ دێ دەربارەی توپیکێن بابەتی بیت.
_راپورت دێ ب رێکا پلاتفورمێ مودلی (بتنێ) هێنە هنارتن.
_وەرگرتنا راپورتا ژ 25/6 تا 1/7 دێ هێنە وەرگرتن.