روينشتنا نەهێ يا جڤاتا زانكۆيا پۆليتەكنيكى يا دهۆك هاتە ئەنجامدان


2020-06-06 03:43:32

ب مەرەما وەرگرتنا پشنيار و بوچونێن راگر و سەروك ليژنێن ئەزمونان ل كوليژ و پەيمانگەهێن تەكنيكى يێن زانكۆيا پۆليتەكنيكى يا دهۆك لسەر بدووماهيك ئينانا سالا خاندنێ ٢٠١٩-٢٠٢٠، ئەڤرو روژا ئەينى رێكەفتى 5_6_2020 ل دەمژمێر 11 شەڤێ روينشتنا نەهێ يا جڤاتا زانكۆيا پۆليتەكنيكى يا دهۆك هاتە ئەنجامدان.

ئەف روینشتنە ب سەرپەرشتیا (پ.د. عدنان محسن عبدالعزيز) سەروكێ زانكۆيا پۆليتەكنيكى يا دهۆك وب ئامادەبونا هەر سێ هاريكارێن سەروكێ زانكويێ و گشت ئەندامێن جڤاتا زانكويێ زێدەباری رێڤەبەرێن ریڤەبەریێن راگەھاندنێ و تومارا گشتی وتەکنولوجیا زانیاریان و ھوبا پروگرامێن خاندنێ ب رێکا ئونلاین هاتە ئەنجام دان و دڤێ روينشتنێ دا پشنيار و بوچونێن راگر و سەروكێن ليژنێن ئەزمونان ل كوليژ و پەيمانگەهێن تەكنيكى لسەر چەوانیا ئەنجامدان و هەلسەنگاندنا قوتابیان ژبو بدووماهیئنانا وەرزێ دووێ و سالا خواندنێ 2019_2020  هاتنە وەرگرتن.

پشتى گەنگەشە لسەر چەند خال و پشنيار و بوچونان ھاتیە کرن ژلایێ ئامادەبویان ڤە، رەزامەندى لسەر چەندين خالا هاتە كرن و دهێتە چاڤەرێكرن سباهى روژا ئێک شەمبى (د. زيرك عزيزخان احمد) هاريكارێ سەروكێ زانكويا پۆلیتەکنیکی یا دھۆک بو كاروبارێن زانستى دگەل هاريكارێن سەروكێن زانكويا دهوک و زانكويا زاخو بو کاروبارێن زانستی کومبن ودێ ل سەر پلاتفورمەکا هەڤپشک یا چەوانیا هەلسەنگاندنا قوتابیان رێککەڤن و لدیڤ وان رێنمایێن ژلایێ وەزارەتا خواندنا بلند وڤەکولینین زانستى هاتینە دەركرن.

© Copyright Duhok Polytechnic University (DPU) - All Rights Reserved

Website Admin: Sarbast Ali