روینشتنا حه‌فتێ‌ یا جڤاتا زانكویا پۆلیتەكنیکی یا دهوك ب رێكا ئونلاین و ب پشكداریا 138ماموستایان هاته‌ برێڤه‌برن



ئه‌ڤرو روژا شه‌مبی رێكەفتی 25/4/2020 و ل دەمژمێر (9.30)ێ شه‌ف، روینشتنا حه‌فتێ‌ یا جڤاتا زانكویا پۆلیتەكنیکی یا دهوك ب رێكا ئونلاین و ب پشكداریا 138 ماموستایێن زانكویێ‌ هاته‌ برێڤه‌برن و ئه‌ف روینشتنه‌ بو ده‌مێ‌ چوار ده‌مژمێرا یا به‌رده‌وام بو.

ل ده‌ستپێكا روینشتنێ‌ (پ. د. عدنان محسن عبدالعزیز) سه‌روكێ‌ زانكویا پۆلیتەكنیکی یا دهوك هاتنا هه‌یڤا ره‌مه‌‌زانا پیروز ل ته‌ڤایا ئاماده‌بویێن حه‌فته‌مین روینشتنا جڤاتا زانكویێ‌‌ پیروز كر و دیڤدا سه‌روكێ‌ زانكویێ‌ ب ریكا ئونلاین ده‌لیڤه‌ دا ماموستایان وهه‌ر ئێك ژماموستایێن ئاماده‌ی ڤێ‌ روینشتنێ‌ بوین دیتن و بوچون و پیشنیارێن خو سه‌باره‌ت خواندنا ئونلاین و چاوانیا ئه‌نجامدانا ئه‌زمونێن تیوری و پراكتیكی دانه‌ دیاركرن، و دیڤدا سه‌روك و ئه‌ندامێن جڤاتا زانكویێ‌ گه‌نگه‌شه‌ لسه‌ر بوچون و پشنیارێن ماموستایان كرن، و دهێته‌ چاڤه‌رێكرن پشتی دوو روژێن دی چه‌ندین رێنما لسه‌ر خاندنا ئه‌لكترونی بهێنه‌ ده‌ركرن.
 

© Copyright Duhok Polytechnic University (DPU) - All Rights Reserved

Website Admin: Sarbast Ali