پەیمانگەها تەکنیکى کارگێرى دهوک

پێشەكى:

پەيمانگەها تەكنيكى كارگێرى سەر بپەيمانگەها  تەكنيكى يا دهۆكێ ڤە بوو  ئەوا ل سالا 1988ز هاتيە دامەزراندن، بەلێ ل سالا 2010 پەيمانگەها تەكنيكى كارگێرى بو پەيمانگەهەكا سەربخۆ، سەر بدەستەيا فێركرنا تەكنيكى ڤە ل هەولێرێ وپاشان ل 2011 بو سەر ب زانكۆيا پۆليتەكنيكى يا دهۆك ڤە، وبڤێ چەندێ پەيمانگەهـ دبيتە ئێك ژناڤەندێن كو بەرپرسايەتيا ئامادەكرن ودەرضۆنا ميلاكاتێن ناڤين بئەستۆيێ خۆڤە گرتى.

خواندن ل پەيمانگەها تەكنيكى كارگێرى دوو سالن و رێژا فێركرن و راهێنانا پراكتيكى نێزيكى (60\%) يە، زێدەبارى ئەنجامدانا مەشقا هاڤينێ ژئاليێ قوتابى ڤە ل هەردوو كەرتێن حكوومى وتايبەت وەك ئێك ژپێتڤيێن بدوماهيك ئينانا خواندنێ ل پەيمانگەهێ، پاشان قوتابى باوەرناما دبلۆما تەكنيكى وەردگريت ل ديف پسپۆرى و بەشێ زانستى، و قوتابيێ دەرچۆيى دشێت ل هەموو دامودەزگەهێن حكوومى وتايبەت كار بكەت.

پەيمانگەهـ قوتابيێن دەرچۆيێن ئامادەيى يێن زانستى و وێژەيى و پيشەيى وەردگريت، هەر وەسا قوتابيێن دەرچۆيێن ئێكێ يێن پەيمانگەهێ مافێ بدوماهيك ئينانا خواندنا خۆ يا بەكالۆريوسێ ل كوليژ وزانكۆيێن هەرێمێ يان ژى ل كۆليژێن سەر ب زانكۆيا پۆليتەكنیکی ڤە يێ هەى.

پەيمانگەهـ ژچەندەها بەشێن زانستى وكارگێرى  وتاقيگەهـ وپسپۆريێن راهێنانا قوتابيان پێكدهێت، ژمارا فێرخوازا ل پەيمانگەهێ ل سالا 2012 گەهشتە نێزيكى (2300) قوتابيێن کچ وكور، زێدەبارى هەبونا چەند يەكەيێن كارگێرى وزانستى، و دوو كتێبخانەيێن كاغەزى وئەلكترۆنى كو ژكۆمەكا پسپۆرى وبياڤێن پەيوەنديدار پێكدهێن.

ئەركێ فێركرنێ ل پەيمانگەهێ ژئاليێ بژاردەيەك ژ مامۆستايێن هەلگرێن باوەرنامەيێن بلند وناسناڤێن زانستيێن جوداجوداڤە دئێتە بجيهئينان، زێدەبارى ئەنجامدنا ڤەكۆلينێن زانستى دچارچۆڤێ پلانا زانستى يا سالانە يا پەيمانگەهێ بۆ ڤەكۆلينا.

ديتنا پەيمانگەهێ:

پەيداكرنا سيستەمەكى فێركارى تەكنيكى وداهێنەر دناڤبەرا نويياتيێ د ئامادەكرن ودروستكرن وخۆگونجاندنا بەردەوام دە وناڤبەرا خواست وپێتڤيێن بازارێ كارى دە ل هەرێما كوردستانێ.

پەياما پەيمانگەهێ:

پێشكێكرنا فێركرنەكا تەكنيكى بكواليتەكا بەرز، و ئامادەكرنا كادرەكى پێشكەفتى ژرويێ چەندايەتى وچاوانيێ، هەروەسا ژرويێ هزرى و شيانان ڤە كو بشێت خزمەتا جڤاكى بكەت بپسپۆريێن تەكنيكى وكارگێرى.

ئارمانجێن پەيمانگەهێ:

• ئامادەكرنا كادرەكى تەكنيكى وپسپۆر وبەرهەڤكرى ژ رويێ زانستى وپراكتيكيڤە بۆ سەرەدەريكرنێ دگەل تەكنيكێن نوى برەنگەكى كو دگەل گوهەرينێن دژينگەها جڤاكى وخزمەتكرنا وى دە پەيدابوين بگونجيت.

• بكارئينانا پرۆگرامێن خواندنێ يێن نوى بۆ بلندكرنا ئاستێ كواليتيا دەرچۆيان ورەنگڤەدانا وێ ل سەر باشتركرنا بازارێ كارى ل هەرێمێ.

• گەشەپێدانا شيانێن ئەندامێن دەستەيا مامۆستايان وتەكنيكاران ل پەيمانگەهێ بۆ باشكرنا شيانێن وان يێن زانستى بۆ پركرنا پێتڤيێن پێشكەفتنا زانستى وتەكنيكى.

• پشكداريكرن دبەرجەستەكرنا بەها ونەريتێن رەسەن يێن جڤاكى وپاراستنا كەلتوورێ هزرى وشارستانى.

• باشكرنا پەيوەنديان وپێكگوهارتنا شارەزاهيا وئەزموونێن زانستى وروشنبيرى دگەل رێكخراو وزانکۆيێن ناڤخۆيى وعەرەبى وجيهانى بۆ خزمەتكرن وپێشكەفتنا كاروانێ زانستى.

• پێشخستنا ڤەكۆلينا زانستى بۆ بەشداريكرنێ دچارەسەركرنا ئاريشێن دكەڤنە درێكا كەرتێن پيشەسازى وتەكنيكى وكارگێريێن جێواز دجڤاكى دە.