جڤاتا زانكۆیا پۆلیته‌كنیكی یا دهۆك و پێنگاڤه‌كا ژ هه‌ژی ده‌ست خوشیێ
‘‘جڤاتا زانكۆیا پۆلیته‌كنیكی یا دهۆك و پێنگاڤه‌كا ژ هه‌ژی ده‌ست خوشیێ‘‘
زانكۆیا پۆلیته‌كنیكی یا دهۆك سه‌رباری ژیێ خو یێ كورت، هه‌رده‌م بزاف كریه پیشه‌نگ بیت دگشت بواره‌كێ ژیانێ دا، و خو ل هه‌می كارو چالاكیان بكه‌ته خودان و هیچ جاره‌كێ ژی خو ژ به‌رپرسیاره‌تی یا خاندن و فێركرنێ نه دایه پاش، به‌لكی وه‌ك سه‌میانێن قوتابیان هاتیه پێش و خو ل گشت ئاریشه و ئاسته‌نگێن قوتابیان كریه خودان، و باشترین رێكه چاره‌سه‌ری بو ئاسته‌نگ و ئاریشه‌ێن ماموستا و فه‌رمانبه‌ر و قوتابیان دیتینه، و هه‌ردیسان دناڤا هه‌رێما كوردستانێ و ژده‌رڤه‌ی هه‌رێمێ، ل باشترین هه‌لبژارتنێن ئه‌كادیمی گه‌ریایه بو ستافێ زانكویێ، و ژبو وێ چه‌ندێ ناڤێ زانكویێ درێزبه‌ندیا جیهانی و نشتیمانی یا زانكویان دا بینیته پێش، و دهه‌ر بارودووخه‌كی دا، نه‌خاسمه بارودوخێن به‌رته‌نگ، هه‌ر وه‌ك یا دیار به‌ربه‌لافبونا ڤایروسێ كورونا ل سه‌رانسه‌ری جیهانێ كارتێكرن، ل گشت بواره‌كێ ژیانێ كریه و بتایبه‌تی ل كه‌رتێ ساخله‌میێ و كه‌رتێ ئابووری و هه‌رێما كوردستانێ ژی وه‌ك پشكه‌ك ژ جیهانێ كه‌تیه به‌ر پێلێن به‌ربه‌لافبونا ڤێ ئێشێ و ده‌زگه‌هێن حكومه‌تێ كه‌تینه دبه‌رته‌نگترین ده‌م دا، ژبه‌ر ساخله‌میا وه‌لاتیان و پاراستنا گیانێ وه‌لاتیان، وحكومه‌تا هه‌رێما كوردستانێ ژی ژبلی په‌یامێن پێگیریكرنێ ب رێنمایێن خو پاراستنێ ، په‌یامه‌ك لسه‌ر هاریكاریێ وگیانێ مروڤایه‌تیێ به‌لافكریه و كه‌مپینا (به یه‌كه‌وه به‌هێزترین) راگه‌هاندیه، ژبو ده‌ربازبونێ ژ ڤێ قه‌یرانێ، و لدویف په‌یاما سه‌روكێ حكومه‌تا هه‌رێما كوردستانێ، سه‌روكێ جڤاتا زانكۆیا پۆلیته‌كنیكی یا دهۆك و هاریكارێن سه‌روكی و گشت ئه‌ندامێن جڤاتا زانكۆیا پۆلیته‌كنیكی یا دهۆك، ژبلی پێگیریا وان ب رێنمایێن خو پاراستنێ بریار دایه هه‌ر ئێك 25\\\% ژ موچه‌یێ خو یێ ڤێ هه‌یڤێ پێشكیشی خیزانێن هه‌ژار و ده‌ست كورت بكه‌ن، ب رێكا وێ كه‌مپینێ یا هاتیه راگه‌هاندن، و بڤێ پێنگاڤێ زانكۆیا پۆلیته‌كنیكی یا دهۆك دبیته ئێك ژ ده‌زگه‌هێن حكومه‌تا هه‌ریما كوردستانێ یێن ئه‌كادیمی، ڤێ ده‌ستپێشخه‌ریا مروڤایه‌تی ئه‌نجامده‌ت، و هزر د ژیارا خه‌لكێ ده‌ڤه‌رێ دا دكه‌ت، ژبه‌ر ڤێ چه‌ندێ نه‌چارم بێژم: جڤاتا زانكۆیا پولیته‌كنیكی یا دهۆك ژ هه‌ژی ده‌ست خوشیێ یه، و ئه‌و پێنگاڤا هه‌وه هاڤێتی جهێ رێز و سوپاسیێ یه، داخازا سه‌ركه‌فتن و سه‌رفه‌رازیێ و دیربون ژ نه‌خوشیان بو گشت ستافێ زانكۆیا پۆلیته‌كنیكی یا دهۆك دخازم.
سركفت رشید
رێڤه‌به‌رێ رێڤه‌به‌ریا راگه‌هاندنێ ل زانكویا پولیته‌كنیكی یا دهوك