سه‌روكاتیا زانكویا پولیته‌كنیكی یا دهوك ده‌ست خوشیێ‌ ل (م. جادر عزیز جادر) دكه‌ت


بناڤێ‌ سه‌روكاتیا زانكویا پولیته‌كنیكی یا دهوك ده‌ست خوشیێ‌ ل (م. جادر عزیز جادر) دكه‌ین، ب مه‌ره‌ما وه‌رگرتنا پوستێ‌ رێڤه‌به‌رێ‌ گه‌ره‌نیتنكه‌ ل دهوكێ‌، ژبلی كارێ‌ وی وه‌ك فه‌رمانبه‌ره‌كی چالاك ل سه‌روكاتیا زانكویێ‌ ، ماموستا جادری روله‌كێ‌ دیار و به‌رچاف و كاریگه‌ر هه‌بویه‌ دگه‌ل لیژنا بلند یا به‌رهنگاربونا نه‌خوشیا ڤایروسێ‌ كورونا ل زانكویێ‌ و نوكه‌ ئه‌ركێ‌ وی بزه‌حمه‌تر لێهات دناف پارێزگه‌ها دهوكێ دا چونكی وه‌رگرتنا پوستێ‌ رێڤه‌به‌رێ‌ گه‌ره‌نیتنكا كورونایێ‌ مینا وه‌رگرتنا پوستێ‌ سه‌ركرده‌یه‌كێ‌ پێشمه‌رگه‌یه‌ ل سه‌نگه‌رێن به‌ره‌ڤانیكرنێ‌، به‌لێ‌ مه‌ باوه‌ری بشیانێن ماموستایێ‌ خو هه‌نه‌ و دێ‌ یێ‌ سه‌ركه‌فتی بیت هه‌ر وه‌ك وان كارو و ئه‌ركان ئه‌وێن بو زانكویا پولیته‌كنیكی یا دهوك بسه‌ركه‌فتیانه‌ ئه‌نجام داین، و هه‌ر ئه‌ركه‌كێ‌ بو هاتیه‌ ده‌ستنیشانكرن خو ژێ‌ نه‌ دایه‌ پاش و بسه‌ركه‌فتیانه‌ ئه‌نجامدایه‌ و ئه‌ڤه‌ ژی ژ دلسوزی و وه‌فاداریا ویه‌ بو خزمه‌تكرن و پێشڤه‌چونا ئاستێ‌ زانستی و ئه‌كادیمی ل هه‌رێما كوردستانێ‌ ب گشتی و پارێزگه‌ها دهوكێ‌ بتایبه‌ت.
دووباره‌ ده‌ست خوشیێ‌ لماموستا جادری و هه‌ڤالێن دگه‌ل دا دكه‌ین كو شه‌ف و روژا دكه‌نه‌ ئێك پێخه‌مه‌ت پاراستنا گیانێ‌ خه‌لكێ‌ پارێزگه‌ها دهوكێ‌ و ژخودێ‌ دخازین هاریكار و پشته‌ڤانێ‌ مه‌ هه‌میان بیت و پارێزگه‌ها مه‌ پارێزیت ژ هه‌ر نه‌خوشیه‌كێ‌ و بتایبه‌ت ڤێ ئێشا گران یا جیهان هه‌می ڤه‌گرتی.

پ. د. عدنان محسن عبدالعزیز
سه‌روكێ‌ زانكویا پولیته‌كینكی یا دهوك

 

© Copyright Duhok Polytechnic University (DPU) - All Rights Reserved

Website Admin: Sarbast Ali