كومبونا پێنجێ‌ یا جفاتا زانكویا پولیته‌كنیكی یا دهوك ب رێكا ئونلاین هاته‌ ئه‌نجامدان


 

كومبونا پێنجێ‌ یا جفاتا زانكویا پولیته‌كنیكی یا دهوك ب رێكا ئونلاین هاته‌ ئه‌نجامدان.
ئه‌ڤرو روژا دوو شه‌مبی رێكه‌فتی 23\3\2020 و ل ده‌مژمێر 7:00 ئێڤاری كومبونا پێنجێ‌ یا جڤاتا زانكویا پولیته‌كنیكی یا دهوك ب رێكا ئونلاین هاته‌ ئه‌نجامدان.
ل ده‌ستپێكا كومبونێ‌ پیروزباهیێن جه‌ژنا نه‌وروزێ‌ و هاتنا سه‌ر سالا كوردی ل هه‌ف هاتنه‌ كرن، و ژلایێ‌ خوڤه‌ (پ. د. عدنان محسن عبدالعزیز ) سه‌روكێ‌ زانكویا پولیته‌كنیكی یا دهوك گرنگترین خالێن كومبونا جڤاتا وه‌زاره‌تا خاندنا بلند و ڤه‌كولینێن زانستی دانه‌ دیاركرن ئه‌وا ل رێكه‌فتی 22\3\2020 ب رێكا ڤیدیو كونفرانس هاتیه‌ ئه‌نجامدان،
هه‌روه‌سا دڤێ‌ كومبونێ‌ دا گه‌نگه‌شه‌ لسه‌ر سێ‌ ته‌وه‌ران هاته‌ كرن و د ته‌وه‌رێ‌ ئێكێ‌ دا ته‌كه‌زی لسه‌ر پێگیریكرن و خو پاراستنێ‌ ژ ڤایروسێ‌ كورونا و به‌لافكرنا ره‌وشه‌نبیریا ساخله‌میێ‌ هاته‌ كرن و دته‌وه‌رێ‌ دووێ‌ دا دروستكرنا ڤه‌كولینان و به‌لافكرنا ڤه‌كولینان د گوفارێن باوه‌رپێكری یێن ناڤدارێن جیهانی دا هاته‌ گفتوگوكرن، و به‌رده‌وامی دان ب پروسێسا خاندنێ‌ ب رێكا ئونلاین ل ده‌مه‌كێ‌ نێزیك ته‌وه‌رێ‌ سێ‌ یێ‌ و دووماهیێ‌ یێ‌ كومبونێ‌ بوو ،
ل دوووماهیێ‌ سه‌روك و ئه‌ندامێن جڤاتا زانكویا پولیته‌كنیكی یا دهوك هیڤیا ساخی و سلامه‌تیێ بو ته‌ڤایا خه‌لكێ‌ هه‌رێما كوردستانێ‌ بگشتی و پارێزگه‌ها دهوكێ‌ بتایبه‌تی خواست.

 

© Copyright Duhok Polytechnic University (DPU) - All Rights Reserved

Website Admin: Sarbast Ali