سه‌روكاتیا زانكویا پولیته‌كنیكی یا دهوك ده‌ست خوشیێ‌ ل (د. بزاف ناجی رشید) دكه‌ت


بناڤێ‌ سه‌روكاتیا زانكویا پولیته‌كنیكی یا دهوك ده‌ست خوشیێ‌ ل (د. بزاف ناجی رشید) دكه‌ین، ب مه‌ره‌ما وه‌رگرتنا پوستێ‌ رێڤه‌به‌رێ‌ نه‌خوشخانا كورونایێ‌ ل دهوكێ‌، ژبلی كارێ‌ وی وه‌ك ماموستایێ‌ تایبه‌تمه‌ندێ‌ نه‌خوشیێن خوینێ‌ ل كولیژا ته‌كنیكی ته‌ندروستی شیخان، دكتور بزاڤی روله‌كێ‌ دیار و به‌رچاف و كاریگه‌ر هه‌بویه‌ دگه‌ل لیژنا بلند یا به‌رهنگاربونا نه‌خوشیا ڤایروسێ‌ كورونا ل زانكویێ‌ و نوكه‌ ئه‌ركێ‌ وی بزه‌حمه‌تر لێهات دناف پارێزگه‌ها دهوكێ دا چونكی وه‌رگرتنا پوستێ‌ رێڤه‌به‌رێ‌ رێڤه‌به‌ریا نه‌خوشخانا كورونایێ‌ مینا وه‌رگرتنا پوستێ‌ سه‌ركرده‌یه‌كێ‌ پێشمه‌رگه‌یه‌ ل سه‌نگه‌رێن به‌ره‌ڤانیكرنێ‌، به‌لێ‌ مه‌ باوه‌ری بشیانێن ماموستایێ‌ خو هه‌نه‌ و دێ‌ یێ‌ سه‌ركه‌فتی بیت هه‌ر وه‌ك وان كارو و ئه‌ركان ئه‌وێن بو زانكویا پولیته‌كنیكی یا دهوك ئه‌نجام داین، و هه‌ر ئه‌ركه‌كێ‌ بو هاتیه‌ ده‌ستنیشانكرن خو ژێ‌ نه‌ دایه‌ پاش و بسه‌ركه‌فتیانه‌ ئه‌نجامدایه‌ و ئه‌ڤه‌ ژی ژ دلسوزی و وه‌فاداریا ویه‌ بو خزمه‌تكرن و پێشڤه‌چونا ئاستێ‌ زانستی و ئه‌كادیمی ل هه‌رێما كوردستانێ‌ ب گشتی و پارێزگه‌ها دهوكێ‌ بتایبه‌ت.
دووباره‌ ده‌ست خوشیێ‌ ل دكتور بزاڤی و هه‌ڤالێن دگه‌ل دا دكه‌ین كو شه‌ف و روژا دكه‌نه‌ ئێك پێخه‌مه‌ت پاراستنا گیانێ‌ خه‌لكێ‌ پارێزگه‌ها دهوكێ‌ و ژخودێ‌ دخازین هاریكار و پشته‌ڤانێ‌ مه‌ هه‌میان بیت و پارێزگه‌ها مه‌ پارێزیت ژ هه‌ر نه‌خوشیه‌كێ‌ و بتایبه‌ت ڤێ ئێشا گران یا جیهان هه‌می ڤه‌گرتی.

پ. د. عدنان محسن عبدالعزیز
سه‌روكێ‌ زانكویا پولیته‌كینكی یا دهوك

© Copyright Duhok Polytechnic University (DPU) - All Rights Reserved

Website Admin: Sarbast Ali