دەربارە
زانكويا پوليته‌كنيك يا دهوك
|
كوليژ |
كوليژا ته‌كنيكى يا ئه‌ندازيارى |
پێشه‌كى:
كوليژا ته‌كنيكى يا ئه‌ندازيارى هاتيه دامه‌زراندن دگه‌ل په‌يدابونا زانكويا پوليته‌كنيكى يا دهوك ل سالا 2013 و پێك دهێت ژ ڤان پشكان:
- پشكا ئه‌ندازيارى يا رێگا و بان.
- پشكا ئه‌ندازیاری یا ووزه ئه‌وا هاتیه دانان ژ پێش پشكا ئه‌ندازیاریا ساركرن و هه‌واسازى.
- پشكا ئه‌ندازيارى يا پیتروكیمیا ل سالا 2016-2017 هاتیه دامه‌زراندن .
ل ده‌ست پێكا سالا خاندنێ (2013 - 2014) ده‌رگه‌هێن كولیژێ بو ئێكه‌م گه‌را قوتابيێن هه‌رێما كوردستانێ هاته ڤه‌كرن و بو ئیكه‌م جار پتر ژ 80 قوتابيێن كور و كچ ل هه‌ردوو پشكان هاتنه وه‌رگرتن و ده‌مێ خاندنێ ل كوليژێ چار سالن و قوتابى دێ بيته هه‌لگرێ باوه‌رناما به‌كالوريوس ب زانستێن ئه‌ندازيارى يا ته‌كنيكى.
كوليژا مه گرنگيه‌كا تايبه‌ت دده‌ته لايێ پراكتيكى د وانه‌گوتنێ دا و ئه‌ڤه دبيته هوكارێ پێشڤه‌برنا ئاستێ قوتابى د بوارێ بسپوريا خودا.
ل كولیژا مه خواندنا ماسته‌رێ هاته ڤه‌كرن بو تایبه‌تمه‌ندین كولیژێ .
ديتنا كولیژێ :
ئارامى و سه‌قامگێريا بارێ راميارى ل هه‌رێما كوردستانێ جوداهی دگه‌ل پارچێن دى يێن عيراقێ و پێشڤه‌چونا ئاستێ دارايى ل جه‌م هاوه‌لاتيان بويه ئه‌گه‌رێ پێتڤى بوون ب ئه‌ندازيارێن بسپور د هه‌مى بواراندا زێده‌بارى بلندبونا رێژا نيشته‌جێ بوونێ ل هه‌رێمێ ب ره‌نگه‌‌كێ به‌رچاڤ ژ ئه‌نجامێ ئاواره‌بوونا خه‌لكێ ده‌رڤه‌ى كوردستانێ بو ناڤ باژێر و باژێركێن هه‌رێمێ و ئه‌ف چه‌نده بويه ئه‌گه‌ر كو حكومه‌تا هه‌رێمێ گرنگيه‌كا تايبه‌ت بده‌ته لايێن گه‌شت و گوزارى و خوشبێرى كو پێتڤى ب ڤه‌كرن و ئاڤاكرنا رێك و پرا و حزمه‌ت گوزاريێن جوره و جوره ژ رێكێن گه‌هاندنێ و ئاڤاكرنا ئاڤاهییان ب ره‌نگه‌‌كێ شارستانى و ديف سالوخه‌تێن ئه‌ندازيارى يێـن هه‌ڤچه‌رخ.
ئه‌رك:
ژ ئه‌رك و كارێن كوليژا ته‌كنيكى يا ئه‌ندازيارى به‌رهه‌ڤكرنا بارهودوخه‌كێ گونجاى بو فێركرنا قوتابيان و ده‌رئه‌نجام ئينانا ئه‌ندازيارێن شاره‌زا د بسپوريێن جودا دا كو دشيان دابيت ل پاشه‌روژێ كارێن نه‌خشه‌كێشان و جێبه‌جىێ كرن و سه‌خبێريكرنا پروژێن ئه‌ندازيارى ل دويف سالوخه‌تێن ئه‌ندازيارى بكه‌ن.
هه‌روه‌سا به‌رده‌وام كاردكه‌ين ببینه رێخوشكه‌ر بو قوتابيێن دهێنه وه‌رگرتن ب ره‌نگه‌‌كێ كاريگه‌ر خاندنا خو تمام بكه‌ن و به‌رهه‌ڤيێن باش بو قوتابيێن خودان شيان دابين بكه‌ین ژ بو بێكه‌هشتن ب پروگرامێ خاندنا بلند و توێژينێت زانستى د بوارێن خودا.
هه‌ر ژ ئه‌ركێن كوليژا مه ڤه‌كرنا خولێن فێركرنێ بو كادر و ته‌كنيكار و ئه‌ندازيارێن كه‌رتێن گشتى و تايبه‌ت ژ بو پێشڤه‌برنا ئاستێ زانستى د بوارێن ئه‌ندازياريێن جودا دا و پێزانينێن باش وه‌رگرن ل سه‌ر رێكێن نوى يێت ته‌كنولوجیایێ د كارێن ئه‌ندازه‌يى دا و ئه‌ڤه دبيته ئه‌گه‌رێ په‌يدابونا په‌يوه‌نديێن بهێز د ناڤبه‌را زانكويێ و جڤاكى دا.
ئارمانج:
- به‌رهه‌ڤكرنا كادره‌كێ ئه‌ندازيارى يێ شاره‌زا د بوارێن ئه‌ندازه‌يا رێك و پرا, ساركرن و هه‌واسازى ، ووزه ، پیتروكیمیایی دا ژبو پركرنا ڤالاتيا دكه‌رتێ گشتى و تايبه‌ت دا ل دويف پێتڤيێت بده‌ستڤه ئينانا ئارمانجێن گه‌شه‌پێدانا زانستى و دارايى كیمیاوی .
- گرنگى دان ب بوارێ زانستى و پراكتيكى و كارگێريا وان د خزمه‌تكرنا جڤاكى دا بو چاره‌سه‌كرنا گرڤتان.
- ده‌چوێن كولیژێ بنه ده‌رازينكه‌ك بو دام و ده‌زگه‌هێن حكومى يێن په‌يوه‌نديدار ژبو پێشكێشكرنا بوجونێن خو يێن زانستى و ئه‌ندازيارى و به‌رهه‌ڤكرنا خولێن راهێنانێ يێن جورا و جور ژ بو پێشڤه‌برنا ئاستێ زانستى ل جه‌م كادرێ ئه‌ندازيارى.
- به‌رده‌وام كاربكه‌ين ژ بو چاره‌سه‌ركرن و پێشڤه‌برنا ئاستێ كادرى د بياڤێن ئه‌ندازه‌يى و زانستى دا ژبو بده‌ستڤه‌ئينانا دلينا جورى.
- پشته‌ڤانيا هاريكاريا زانستى و ره‌وشه‌نبيرى دگه‌ل زانكو و ده‌زگايێن هه‌رێمى و ده‌رڤه هه‌رێمێ و عه‌ره‌بى و جيهانى بو لێگهورينا راوێژكاريێن زانستى ژبو پێشڤه‌برنا ڤه‌كولینێن زانستى و پێگه‌هاندن ب پروسێسا خاندنێ.