رێنمایێن تەندروستی بو خوپاراستنێ ژ ڤایروسێ کورونا ب قوتابیان هاتنە دان
ئەڤە دوو روژە لژنا تەندروستی ل پەیمانگەها تەکنیکی یا ئامێدیێ دگەل رێڤەبەریا تەندروستی و سلامەتیێ ژ سەروکاتیا زانکویا پولیتەکنیکی یا دهوکێ بو خوپاراستنێ ژ ڤایروسێ کورونا چەند کاروچالاکییەکان د ناڤا پەیمانگەهێ دا ئەنجامددەن.
دوهی رێکەفتی ٢٦-٢-٢٠٢٠ ل پەیمانگەها تەکنیکی یا ئامێدیێ سمینار و رێنمایێن چاوانیا خوپاراستنێ ژڤی ڤایروسی ژ لایێ ماموستا محمد جەلیل سەروکێ پشکا شروڤەکرنا نەخوشیان ل پەیمانگەهێ بو قوتابیان هاتنە گوتن، هەروەسا ماسک ب سەر ماموستا و فەرمانبەرێن پەیمانگەهێ دا هاتنە دابەشکرن.
ئەڤرو ژی رێکەفتی ٢٧-٢-٢٠٢٠ لژنەیەکێ ژ رێڤەبەریا تەندروستی و سلامەتیێ ژ سەروکاتیا زانکویا پولیتەکنیکی یا دهوکێ سەرەدانا پەیمانگەها تەکنیکی یا ئامێدیێ کر و چەند سمینارەک بو قوتابیێن پەیمانگەها مە ل دوور نەخوشی و ڤایروسێ کورونایێ پێشکێشکرن، کو سمینار ژ لایێ ڤان بەرێزان ڤە هاتنە پێشكێشکرن: هوگر انور صدیق ، اسماعیل شکری مراد و صباح مسکین ناصر، د سمینارێن خودا بەرێزان بەحسا پاقژی و شوشتنا دەستان و خو دوورکرن ژ جهێن قەرەبالخ و بکارئینانا ماسکان و چەندین رێک و رێنمایێن دی کر بو خوپاراستنێ ژڤی ڤایروسی.
راگەهاندنا پەیمانگەهێ