سەروکێ زانکویا پولیتەکنیکى یا دهوک ١٨ شواتێ ل قوتابیان پیروز کر


2020-02-20 12:21:27

 

ب مەرەما هەفنیاسینێ دنافبەرا قوتابیاندا و ب هەلکەفتا (٦٧)ـــەمین سالڤەگەرا دامەزراندنا هەر دوو ئێکەتیێن (قوتابی و لاوان) یێن پارتی دیموکراتى کوردستان ئەڤرو رێکەفتى ٢٠/٢/٢٠٢٠ و ب ئامادەبونا سەروکێ زانکویێ ، راگریا پەیمانگەها تەکنیکى یا دهوک ئاهەنگەک بو قوتابیێن خو یێن خاندنا سپێدە و ئێڤاران رێکخست  

و بڤێ هەلکەفتێ (پ. د. عدنان محسن عبدالعزیز) سەروکێ زانکویا پولیتەکنیکى پشتى پیروزباهیا قوتابیان کرى و پالپشتى و پشتەڤانیا زانکویێ بو گشت کاروچالاکێن قوتابیان دایە دیارکرن ، د پەیڤەکێ دا گوت : هەر ژ دەستپێکا سەرهلدانا شورەشا هەتا ئەڤرو ژى قوتابیان مل ب ملێ پێشمەرگێن قارەمان و شورەشگێر و دلسوزێن پاراستنا ئاخ و دیروکا کوردستانێ بەردەوامى دایە چەکێ زانست و خەباتێ و ب هەفپشکى خەبات کریە پێخەمەت پارستنا گشت ماف و دەستکەفتێن دوزا رەوا یا گەلێ کوردستانێ لەورا ئەڤرو د کەش و هەوایەکێ ئازاد دا ئەم و هێن  ڤان جورە چالاکى و ئاهەنگان ساز دکەین و ئەف چەندە ژى یا بێ قوربانى نە بویە و ب هزارەها کەس و کارێن مە بوینە شەهید و قوربانیێن رێبازا پیروزا کوردینیێ و ژلایەکێ دیڤە سەروکێ زانکویێ سوپاسى و پێزانینێن خو ئاراستەى ئەندام و لیژنێن قوتابیان کرن و ل دووماهیێ (پ. د. عدنان محسن)  گوت :

زانکویا پولیتەکنیکى یا دهوک ب ستافێ خو یێ ئەکادیمى ڤە ب گشت پسپورى و تایبەتمەندی و ڤەکولەر و ڤەکولینان  ڤە ژ رەنج و خەبات و سەرهلدانێن وێ رێبازێ بوینە و هەر دیسان بەردەوامیا کارەمەند و ماموستا و قوتابیان دناف دەزگەهێن خواندنێ دا هەر بۆ خەبات و قوربانیدانا ئەندام و لایەنگرێن رێکخراوێن ئێکەتیا قوتابی و لاوێن پارتى دیموکراتى کوردستانێ ڤەدگەریت ، لەورا دێ بزاڤێن مە دێ دبەردەوام بن ژ بۆ بلندکرنا ئاستێ زانستی یێ قوتابیان و پێگەهاندن و ئاڤاکرنا قوتابیەکێ بەهرەمەند و زانا دبوارێ پراکتیکى و تیورى دا ژ بۆ خزمەتکرنا گەل و وەلات و جڤاکى ، و دووبارە بیرەوەریا 18ی شواتێ ل گشت قوتابی و لاوان پیروزبیت و هیڤیا سەرکەفتن و سەرڤەرازیێ و گەهشتن ب ئارمانجان بو هەوە دخازین.

و ژلایێ خو ڤە (د. ضياء مصطفى) راگرێ پەیمانگەها تەکنیکى یا دهوک رێز و سوپاسین لیژنێن ئێکەتیا قوتابیان ئاراستەى (پ. د. عدنان محسن عبدالعزیز ) سەروکێ زانکویێ کر ژبەر پالپشتى و پشتەڤانیا وى یا بەردەوام بو گشت کار و چالاکیێن قوتابیان.

© Copyright Duhok Polytechnic University (DPU) - All Rights Reserved

Website Admin: Sarbast Ali